Caritas in thlatang caan ih Turkey ih a cang mi linghnin tuartu miharsa pawl a bawm rero lai November 19, 2020

Caritas in thlatang caan ih Turkey ih a cang mi linghnin tuartu miharsa pawl a bawm rero lai

November 19, 2020

          Ram tinkim runnak thawn pehpar in agency in hnipua hlum pawl, heater pawl le a dang thilri pawl bawmnak an nei. Turkey ram, thlatang ah magnitude 6.6 a um mi linghnin  nak ih a siatsuah nak hmun pawl ah, Ram tinkim thawn pehpar mi Caritas in kawrhlum pawl, heater pawl le a dang thil tul pawl bawm dingah thlahnih hrang programme an rak tuah. Caritas ti mi cu runnak, thanso nak le nunphung lam hnatuan nak pawlkom pawl lungkim ih tuah mi pakhat a si.

          October 30, South Aegean tipithuanthum, Turkey tipi kap ah ling a rak hnin ih Greece, Bulgaria le Macedonia ram kiangkap pawl in siatsuahnak an rak tuar. Thuthang ih sim mi vek a si le minung 114 an thi ih a dang 1,035 in hriamhma an tuar. Mipum 15,000 cu pangpar hmuan sungih um beunak inn pawl, colh hahdamnak hmun pawl, university phunsangtlawng pawl, bualrawn pawl, an sungkhat inn a si lo le rualpi inn pawl an an rak riak.

          Mi tamsawn ih inn pawl cu siatuah an tuar ruangah lamzin kiangah an um.       Nitin ten a daih vivo ruangah hnipuan hlum pawl, blanket (puan) pawl le heater pawl an tul mi a tam deuhdeuh ding. Caritas in tihnung mi hmun a hnget lo dinhmun ih a um tu pawl rei pi tiang bawmnak an ngah mi fiang dingah a tul mi pawl bawm dingah an zoh tha vivo ding.“Leitlun huap harsatnak a um ko nain, linghnin ih namnuai a tuar mi pawl tirh siang zet in a rak bawm tu Izmir ram mi pawl ih lungrual in an tankhawmnak kan rak tep,” tiah Turkey Caritas ih director, Nadir Nadhim in a rak sim.

          A tu ah cun kan programme pawl peh bet vivo dingah bawmnak kan tul ih thlatang caan kan thlen vivo vek in nunram tharthawh dingih a zuam rero tu pawl ruahsannak pek a tul.

          Hi thuthang cu Aleteia thuthang ih kan don mi a si.  

https://bit.ly/35JJsp8