Catholic Diocese in India nisuahnak saklam ih Mishmi indigenous community ih Sr. ih hnatuan hngilhlonak tuah. (June 26, 203)

Catholic Diocese in India nisuahnak saklam ih Mishmi indigenous community ih Sr. ih hnatuan hngilhlonak tuah. ( June 26, 2023)

          India nisuahnak saklam ih diocese pakhat in Arunachal Pradesh state ih Mishmi indigeous community ihsin Catholic Sr. pakhat ih hmaisabik religious hna a tuannak hrangah lungawi Missa Sumnak an rak tuah.Miao Diocese ih Salesian Bishop Palliparambil in the Franciscan Missionary Sisters of the Sacred Heart (FMSH) sungtel, Sr. Scholastica hrangah Mass raithawinak a rak tuah.

          Caanserh cu Arunachal Pradesh Tezu Lohit district, Tezu parish ah an rak tuah. Cui caanserh  cu Zarhpi ni biakthawinak puai thawn khal a mil aw zet. Tezu parish ih catholic pawl in Mishmi community ihsin hmaisabik Sr. Sr. Scholastica hrangah Parish ih a thianghlim mi lungawi Missa sumnak an rak tuah, tiin Miao diocese ih puithiam pakhat, Fr. Felix Anthony in social media ih tarlang mi ah a rak sim.

          “Sr. Scholastica hnenih apawknak nunram ih laksawng hrangah Pathian hnenah lungawi thu kan sim,” tiah Anthony in a rak sim. Arunachal Pradesh ih Mishmi mipi pawl cu Arunachal Pradesh ih a lailak, saklam nisuahnak ih um mi miphun pakhat an si. Tibet ah khal an um.

          June 08 ah, Sr. Scholastica in hmaisabik a hnatuan cu Andhra Pradesh, southeast Indian state ih khuapi pakhat, Vijayawada ah a rak tuan. An congregation in India, Philippines, le khuapi 20 ah sungtel pawl an nei. St. Francis Assisi ih ziaza thawngin Gospel thuthangtha an zir vekin, minung zate hrangih Bawi Jesuih zaangfah lainatnak le duhdawtnak in Sr. pawl thazaang a pek hai. Thlacamnak, thatnak tuahnak le dunghtluntu hnatuan ih telnak thawn milai nunram ah an tel.

          Hi thuthang cu RVA thuthang ih kan ngah mi a si.