Catholic kohhranpi pawl dinhmun in a dik mi lam ih dinpi dingah tuanvo kan nei March 14, 2021

Catholic kohhranpi pawl dinhmun in a dik mi lam ih dinpi dingah tuanvo kan nei

March 14, 2021

          Kawlram ah tui dinhmun ih a cang rero mi dinhmun pawl in zamrang bik ih remdaihnak ding hrangah Catholic Christian kohhranpi pawl thawn hmunkhat ih thlacam tlang nak cu March 14, zing nazi 9:00 in 12:00 tiang Mandalay ih Bawi Jesuih Thianghlim Thinlung Cathedral Biakinn ah an rak tuah.

          Thlacam tlangnak caanserh cu Fr. Richard Hla Min Oo ih thuthangtha a sim nak ah “Sualnak pahnih a um ih ‘Individual Sin’ le ‘Social Sin’ ti a si.

          ‘Individual Sin’ ti mi cu mah pakhat ciar ih tuah mi, mah le mah tuah mawhawk nak a si ih ‘Social Sin’ ti mi cu a dik lo mi pawlkom pakhat ih tuah mi sualnak sungah mah khal in thei na cing ih tel nak a si thu, hi sualnak pahnih ah  hin Social Sin hi sual pipa deuh a si thu pawl khal tahthimnak thawn a rak simfiang ih Catholic Christian kohhranpi pawl dinhmun in a dik mi lam ih ding dingah tuanvo kan neih thu” a rak sim.

          Kawlram ah tui dinhmun ih a cang rero mi pawl ruangah Catholic Archdiocese ih Catholic kohhranpi pawl dinhmun in remdai ten feh phah ih thlacam tlang nak caanserh pawl cu voili rori an rak tuah ih tui dinhmun ruangah Biakinn sungih thlacam tlangnak an rak tuah nak a si ih Kawlram ah a dik mi Democracy a ngah caan tiang tu vek in thlacam tlang nak cu tu le tu an tuah bet vivo tiah thlacamnak Puai ah cui sun ih a tel tu pakhat ih sim mi vek in kan thei.

          Hi thuthang cu RVA Myanmar ih kan ngah mi a si.

https://bit.ly/3qGOgTu