Catholic Media congress cu August 16 ah South Korea ah tuah ding (August 14, 2022)

Catholic Media congress cu August 16 ah South Korea ah tuah ding

(August 14, 2022)

          The SIGNIS (Catholic Association for communication) World Congress (SWC2022) cu August 16 ah South Korea ih khualipi Seoul ah an tuah ding. Tu baite ah Seoul ah ti a lian ko nan August 16-19 tiang an timtuah cia vekin an tuah ding thu SWC2022 cangsuak dingih committee hruaikaitu Francis Kim Seug-wal in a rak sim. Leitlunhuap ih Catholic media thuthang latu pawl (journal lam hnatuantu pawl le pehtlaitu pawl) in digital leilungpi remdaihnak’ (Peace in the digital World) thulu hmangin an sim ding. Cui caanserh cu 1960 ah Jesuit Puithiam pawl ih rak din mi Seoul ih Sogang University ah an tuah ding.

          Thupit mi thuhram pathum a um ding: Mah lawng pehtlaih tam tuk mi, thuthang sual pawl le rinnak hlohnak le kan ruuninnpi (kiangkap kilkhawi dingah) ti a si. Ram tinkim thawn pehpar mi journalist Forum le ram tinkim thawn pehtlaih mi mino Forum khal a um ding. SIGNIS World in leilungpi thawn pehpar in puai theh hlan ah a mai director pawlkom thureltlangnak pawl a tuah ding.

          SIGNIS World Congress ih chairman, Cardinal Andrew Yeom Soo Jung in ‘hi congress cu leitlunhuap lungrual ter dingah le a dang hril ding hawl dingah Catholic pehtlaihtu pawl hrangah a san um mi caantha pakhat a si kha teette a hmuh ding. Leitlunhuap thawn pehpar mi Catholic pehtlaihnak pawlkom SIGNIS pawlkom sungtel pawl in radio, TV, cinema, video, media zirhnak, internet le technology that pawl an telh ding.

          SIGNIS World Congress cu kumli voikhat tuah a si theu. A hlan ahcun SIGNIS cu Rome ah World Congress cu (2001 lw 2014), Lyon ah (2005), Chiang Mai ah (2009) le Quebec Congress cu covid-19 ruangah 2022, that caan ih tuah dingah ni an rak thawn. SWC2022 ih a danglam mi cu Youtube le metaverse ihsin minung rori tongaw ih thureltlangnak pawl thawn mah rori conference tuah ding mi ‘komawk’ ti mi congress ah a cang ding.

          Korea Conference ih Catholic Bishop, Social Communication hrang committee ih hotu Bishop Simon Ok Hyn-jin in a thusim mi ah “kan mah cu a bang aw mi congress thuthang terek pawl hlawm aw in khat le khat thansonak khaisan sak mi, duhsan um mi pehtlaihnak ah tel maw, tel lo zinag zoi a tul. Leitlun ih um mi hrial in farah harsa pawl hrangah a harhdam mi tanrualnak um dingah, hloptlo ih pehtlaih dingah media pawl a tul tiah a rak sim.

          Leitlunhuap thawn pehpar mi thudik, remdaihnak le mipi thupit mi leilungpi langsar ter dingah media lam ih thiam zet mi zaten a rak forhfial. “Leitlunhuap ih bangaw lo mi pehtlaihnak lam ih pawlkom pawl tel mi hi leitlunhuap congress cu sannak tha pawl a suak ding tiah” Korea Catholic Lay Apostolate Council of Korea hotu John Chrysostom Lee Byung-wook in a rak sim. “Leitlunhuap ih um Catholic pehtlaihnak lam sim rel theinak neitu pawl hrangah man hla mi hmun pakhat ah a cang ih hmailam hrangah ruahsannak pawl hawl in hi leilungpi cu Pathian hmai ah hmun tha si dingah Gospel thlarau thawn an mah ten din dingah hmun pakhat a si” tiin a rak sim bet.

          Hi thuthang cu RVA thuthang ih kan ngah mi a si.

https://bit.ly/3JW1WoK