Catholic nunau in nunphung lam hnatuan ah ‘Dadasaheb Phalke Indian Television Award 2023’ ngah

Catholic nunau in nunphung lam hnatuan ah ‘Dadasaheb Phalke Indian Television Award 2023’ ngah

          Indian Catholic nunau, Belinda Pereira cu June 11 ah nunphung lam a phunphun ah Dadasaheb Phalke Indian Television Award 2023- Viewers’ Choice of the Year’ ngah tu a si.

          “Ka hmin in kawh caan ah lungnomnak ka tep. Sunloih tlak zet mi Dadasaheb Phalke Indian Television Award 2023 kaihnak caantha ngah tu ka hrangah a tum zet mi hlawhtlinnak pakhat a si mi mangbangza a si,” tiah Pereira in RVA News ah a rak sim.

          India nitlaknak lam Maharashtra ramthen ih um a kau zet mi khuapi ah Belinda in “Karuna Ghar” (Home of Mercy) Foundation (KGF) cu 2006 ah a rak din ih cu mi cu farah harsa mi nauhak pawl nitin kilkhawinak inn a si. KGF in a tul sam mi nauhak pawl hrangah ei in le fimthiamnak lam caantha pawl a pek.

          A mah cu a hlan ah a kiangkap ih um tlawng pakhat le Bombay Archdiocese ih Catholic Pawlpi ah nunphung lam hnatuan tu dinhmun in a rak tuan. A tlasam mi nauhak pawl bawmtu pawlkom tampi thawn khal an rak tuan tlang. Kan dung April 16 ah, NGO pakhat a si mi Ray of Hope Mumbai ih pek mi Mumbai ih nunphung lam cangvaihnak lam ih a tha bik mi a pathumnak Mother Teresa Award laksawng ngah tu pawl lak in pakhat a si ve.

          A hlan ah Pereira in a hnatuan lam ah a dang tongfang tampi a rak ngah.The Dadasaheb Phalke Indian Television Award 2023 function cu nitlaknak lam India, Mumbai, Hyatt Centric ah an rak tuah. Hi caanserh cu the Dadasaheb Phalke Indian Television Award hotu le dintu, Akhilesh Singh in a timtuah ih mipi nomnak hrangah TV pawl le midang pawl nuam ternak dingah hnatuan pawl a sawmdawl.

          Laksawng pawl cu a phunphun in an pek: mino pawl nomnak lam ih hruaitu, lemcang tu pawl, a tuah tu, director, model, nunphung hnatuan tu, le zuk tu pawl tla an tel. Hi thuthang cu RVA thuthang ih kan ngah mi a si.