Catholic online conference, Philippines Diocese ah tui thla sung tuah ding

Catholic online conference, Philippines Diocese ah tui thla sung tuah ding

Philippines Bishop pawl pawlkom cun Nov (26-27) ah ‘Catholic online’ conference an tuah ding.

Hi thureltlangnak ih tumtahnak cu online hmannak cu Bible thuthangtha karhzai ter dingah a thabik mi tidaan a si ti thei ter dingah a si tiah an sim.

Conference dinhmun in a tel tu ding pawl hnenah online ih netabik thuthang pawl hlawm dingah, hi vekih an theih hnu ah mai riantuan daan pawl khal rem dingah le online hman tikah Catholic Media thawn kaih dingah, hrial ding mi pawl thei ter dingah a si.

Hi thureltlangnak ih a zirhtu ding pawl cu Philippines ram sungih um mi Diocese phunphun ih technology lam ih mithiam pawl, media lam a thei tu pawl an tel ding.

Hi conference ah Pathian hnatuan tikah ziangvek tidaan pawl hman a theih, tui media feh daan le an mai huapnak pawl ruat in online a hmang tu pawl hnenah hi media thawngin Pawlpi siseh, thudik siseh, thuthang sual pawl darhnak siseh ziangtin tarlang ding ti mi pawl khal an telh ding thu caanserh tawlrel tu in a sim.

Online Catholic Media pawlkom pawl dinnak, facebook cu Catholic media tidaan thawn kaih in thathnemnak um zet in ziang vekin hman ding, thilri pawl thuhla telh in an rel ding thu a sim.