Catholic Pawlpi huat ruangah Managua khuapi ih um Thinglamtah meisa in ur. August 01, 2020

cq5dam.thumbnail.cropped.750.422_4.jpeg

Catholic Pawlpi huat ruangah Managua khuapi ih um Thinglamtah meisa in ur.

August 01, 2020

 

         Catholic par ih huat ruangah Biakinn sungih um Thinglamrah siat suah a tuar thu Managua khuapi ih Cardinal Leopoldo Jose Brenes in thuthang a rak suah.

 Tlawngkai ninga niah Bawi Jesuih Thi le Sa ret nak inn te ah mi pakhat a rak lut ih Petrol Bomb a rak den. Cui Biakinn sungih um mi kum 400 a rei zo mi Thinglamtah cu a rak kang. Cui dinhmun cu zamrang te ih an kham thei ruangah zo hman hliamhma an rak ngah lo.

An suah mi vek si le Catholic a hua tu pawlkom pawl in a si tiah an ruat ih cui thil a tuah tu cu thilton mi neitamzet mi a si ding tiah a sim. Cu mi cu Catholic pawl thinphang ding le siat suah a duh ih cui thinglamtah cu Nicaragua ih um Catholic pawl ih duh zet mi le upat bik mi a si.

Cui thu suah mi ah kan mah cu riahsiatnak, tuar thei lo nak le him lo nak pawl kan tuar ko nain hi thilcang pawl cu zum nak thawn lawng in leh rulh ding thu forhfial in tha an rak pek.

         Nicaragua khal ah Catholic dodal nak a tam vivo. Bawi Jesuih Thi le Sa pawl ziang siar lo nak, a hlu peisa ret nak thinkuang le sinttuh pawl siatsuah nak a tam vivo.

A hrekkhat hmun pawl ah biakinn ih um Steadeo cet thilri pawl le Biakinn thilri pawl ruk an tuar ti theih a si. Hi thuthang cu August 1, 2020 ah Vatican thuthang in kan ngah a si.

https://bit.ly/39Zc12f

Add new comment

15 + 2 =