Catholic Phunsaang tlawngih tlawngta pakhat meithal thawn kah a tuar. July 20, 2020

Catholic Phunsaang tlawngih tlawngta pakhat meithal thawn kah a tuar.

July 20, 2020

         Kan dung Zarhpi ni ah American ram, New Jersey  Washington ah Catholic Phunsaang tlawng ih tlawngta pakhat cu methal thawn thah a rak tong. Hi tlawngta cu American Catholic Phunsang tlawngin a si-ih a nu cu thuthentu zungih thuthen tu pakhat a si.

         Daniel Anderl cu kum 20 lawng a si lai ih fapa neih sun a si bet ih hlei ah a nu le pai tuan mi thuthentu lam ih rak huamzet tu a si. July 20 ni ah a mah hngilh lo nakah Phunsangtlawng ih thlarau lamih tuanvo nei tu Puithiam in Missa raithawinak a rak tuah sak ih a sungkua pawl khal in an ngai nak thu cu Facebook par ah an rak tarlang.

         Thahnak ton zaan ah New Jersey ram, Bruswick ih um Daniel tei um nak inn lamih rawl dawr tuan nak ah mawtaw pakhat a rak thleng. Mi thattu cu ei in lam ih an staff angki a hruk ih saangkaa a rak kiing ih saangkaa a rak ong tu Daniel cu hmaisabik ah a rak kap. Cui hnu ah Daniel ih pa khal a kapih a pa cu hriamhma besia zet in a ngah. Asinan, thuthentu a nu cu a rak luat.

         Methal kai tu ih a thupibik ih a thah tum mi cu a nu a si mi thuthentu a si men thei tiah mipi pawl in an zum. Ziangah tile a mah cu New Jersey ram ih hminthang mi daan lam ih hnatuantu a si ih riit theih sii thilri khamnak tampi tha ten a rak tuah thei ruangah a hlan ih American President hlun in 2010 ah a si nak in a rak khaisan dah mi khal a si. Hi mi thuthang cu July 20, 2020 ah CNA  thuthang ih kan ngah mi a si.

https://bit.ly/39hlQbD