Catholic Siangbawi pakhat siizung sungih Siangbawi cannak a ngahhnu ni 23 reiah a thi April 26, 2021

siizung_sungih_siangbawi_si_nak_lak_hnu_ni_23_a_rei_ah_nunnak_cem.png

Catholic Siangbawi pakhat siizung sungih Siangbawi cannak a ngahhnu ni 23 reiah a thi

April 26, 2021

            Fr.Livinius Esomchi Nnamani cu Pope Francis ih thupeknak in Thianghlim Tlawngkai nili niah siizung a umnak innkhan sungah Siangbawi cannak a rak ngah ih ni 23 a rei hnuah thi cancer in, kum 31 tiin a thi. Hi Siangbawi note ih ruakvuinak cu Rome khuapi sungih San Giovanni Leonardi Parish ah April 26 ni ah tuah a si. Siangbawi a can hnu ni 23 sung cu siizung ih a ihnak ihkhun par ah Missa raithawinak tuah in can a hmang.

            Fr.Livinius ih thuhla thawn pehpar in Fr.Davide Cardonaro cun "Anih ih biaktheng cu a ihkhun a siih cutawk ihsin kan Bawipa Jesuh ih harsatnak pawl a tawm thei a si. Kan Bawipa ih raithawinak kha langhngan le tha khoh zet in a rak tuah thei mi hi Siangbawi zate hrangah nunzirh nak pakhat a si" tiin a sim. Fr.Livinius cu "the Angelicum" tiih theih pi bik mi St.Thomas Aquinas University tlawngpi ah ca a rak zir mi a si. Anih hi Nigeria ram ihsin tlawng a ra kai mi Siangbawi tlawngta pakhat khal a si.

            A natnak dinhmun a roh vivo ruangah, Pope Francis hnenah ca a ngan ih a Siangbawi cannak ni thawn sak ding a rak dil. Cule Pope Francis in March 31 niah a cakuat mi a let sal ih a thaisun Thianghlim Tlawngkai Nili ni ih Siangbawi cannak ngah theinak khuan a rak pek. Cutin, Apirl 1 niah Rome khuapi ih Medica Group Casilino siizungpi ah Bishop Daniele Libanori in Saingbawi cannak Ordination a rak pek. Fr.Livinius ih ruakvuinak cu Rome khuapi ih tuah a si hnuah, amaih suahnak Nigeria ramih phum dingah a rak cu phurh a si ding. Amah hngilh lonak ih Missa sumnak khal "the Angelicum" tlawngpi in May 3 niah a tuah sak ding. Himi thuthang cu CNA thuthang ihsin kan don mi a si.

https://bit.ly/3gNc9Hv

Add new comment

3 + 4 =