Catholic Sister pawl Thailand ram ih mi harsa pawl hrang in ei hlu (September 21, 2022)

Catholic Sister pawl Thailand ram ih mi harsa pawl hrang in ei hlu

(September 21, 2022)

            Bangkok Archdiocese sungah rian a tuan rero tu Catholic Sister pawlkom pakhat in mi harsa pawl hrang in le ei hlut nak an tuah thok. Hivek in rawl pe thei dingah “One hand meal for one Baht” program thawn rawl an pek nak a si. Himi Sister kaing cu “Jesuh Thianghlim Thinlung pawlkom” Sister kaing an si. A tu vek ruahnak cu Pope Francis in a pek thu, Pope in mai nuam zet ih umnak ihsin suakin mi harsa pawl ih a hrampi tul mi pawl bawm dingah a forhfial.

            Thailand ram cu covid 19 pulhnat besia zet ih an tuar hnu siseh, sumdawnnak tlaksiatnak ruangah siseh, bom tul mi pawl bawm dingah dung an sip. Mi tampi hnatuan nei loin an um ih mi harsa ah an cang. Hmun pi ih hna tuan pawl an umnak khuapi leng pawl ih um mipawl ah hna an tuan sal. Rammi tampi cu an nunram kha a thok in thok thei dingah an neih mi pawl an zuar.

            Cuvek dinhmun ah Bangkok ih a ummi Bawi Jesuh ih Thianghlim Thinlung Sister kaing in a tlun ih simmi cangvaihnak thawn fund an hawl. Cumi ihsin ngah mi a hlu paisa thawn thlakhat veikhat mipum 200 hrang rawl pawl an zem.

            Atuvekih tuahnak ih ahleice tumtah mi cu thuhla 2 a um. 1. Klong Toei hmun ih mi harsa Buddish pawl bom dingah, 2. Zumnak bang lomi biaknak khat le khat nel awknak um dingah harsa mi nunram bomnak in thok dingah a si tiin an sim. Jesuh Thianghlim Thinlung Sister kaing ih ahleice riantuan mi cu fimthiam nak a si. Thailand ram sungah Catholic Tlawng pawl an phuan. Mino pawl khal thiam nak famkim in, pek awk duhnak thinlung nei thei dingah khal an tuah. Catholic lawng siloin Buddish innsangs pawl khal an nauhak pawl cu Catholic tlawng pawl ah an ret.

            A liam zo mi kumhnih hrawngah thil thar pakhat a suak. Cui thil thar cu Pope Francis in mai inn pawl, tlawng in suak in mi harsa pawl bom dingah a forhfial thu, cui forhfial nak cu tuah taktak nak asi thu, mi harsa pawl tong in bom dingah hla pi feh a tul lo. Kan Sister tlawng thawn pi 2 hrawng a hlat nak ah mi harsa an um thu, cui veng cu Bangkok ih a tum bik mi harsa pawl umnak a si thu, cui hmun cu Klong Toei tiin an kawh thu Sister pawl in an sim.

Thailand ram ah zatek 6.8 mipum cu mi harsa pawlkom a si thu, himi mi harsa pawkom cu khuapi pawl ih a lenglam veng pawl ah an um.

            Cui hmun ah Klong Toei Pathian riantuan Puithiam pawl ih tlawng aum. Anmah thawnkom khawm in cui mi harsa pawl bom dingah Sister kaing ih upa in Sister thenkhat hnen a pek. Cui a pek mi an cohlang ih sister pawl cu cui veng ah an feh ih an zoh. Innsang pawl thawn an nel aw. A tum zet mi sawmnak cu tuahmawh nak, rit theih sii hman nak, hmuhsuamnak a phunphun tuahnak, harsat nak, thenkhat cu ziang hman nei loin an um tiin an sim.

            A um rero mi buainak tinkim cu kan felfai ter thei lo. Ziangruangahtile thenkhat riantuannak pawl khal an tuah. Asinan nitin in ei thei dingah suak nak cu theih tawk in an bawm thei. “One hand meal for one Baht” cangvaihnak cu sim tlak a si lonan mi harsa pawl hrang anmah pawl cu hnon tuar pawl an si tiin tuar lo dingah anmah pawl cu himi cangvaih nak ih thenkhat a si tiin khal a thei ter duh.

            Thailand ram cu nisuahnak thlanglam Asia ah Buddish biaknak a tambik umnak ram a si. Indonesia ram cu Buddish biaknak a tambik pahnihnak ram a si. Singapore, Brunei, Indonesia, Malaysia 2018 kumah GDP (Gross Domestic Product) ih man phun 4 ah a um lo. 2019 ah Thailand ramsung Catholic mipum 38000 an um. Thailand ram ah Catholic Archdiocese 3, Diocese 9, Parish 502 an um. Himi thuthang cu RVA thuthang ihsin kan don mi a si.

https://bit.ly/3CjFZOs