A cawl zo tu kum (99) China Catholic Bishop nunnak cem October 16, 2021

_{A cawl zo tu kum (99) China Catholic Bishop nunnak cem}

_{October 16, 2021}

         Tuluk ram, Handan Diocese ih Bishop Emeritus Stephen Yang Xiangtai cu a thupi zet mi harhdamnak dinhmun ruangah ni 7 rei siizung ah tuamhlawm in a um ih October 13, a kum 99 ah a nunnak a rak cem. Handan Diocese ih thuthanvek asi ahcun Bishop Yang cu Pathian hnenih rinsan tlak zet, mi tinkim duhdawt thiam tu, tlaitluang zet tu a si ih a mai Tuuruun hrangah kum 72 sung rori ap awk in rian rak tuantu a si tiah an sim.

         1966, July thla, Tuluk nunphung dothlennak theh hnuah kaih a rak tuar ih Wu’an cekawk nak zungah an rak kuat ih kum 15 sung thawng a rak tlak.1949, August thla ah Puithiam cannak a rak lakih 1969 ah Bishop cannak a rak ngah. China Catholic Diocese ih cangvaihnak lamah a cak bik mi Handan Diocese cu Bishop in 1999 ah tuanvo a rak lakih 2018 ah kohhran mipi 180,000 an rak um.

         Zianghman phunzai dah lo ten Bishop cu catbang lo in tlaitluang ten Pawlpi hnatuan pawl zuam zetin rak tuantu a si ih kum 72 tiang rori a Tuuruun tha zetin rak hruaikai thei tu a si tiah an sim.

         Hi thuthang cu RVA thuthang ih kan ngah mi a si.

https://bit.ly/3DYuOZn