Cebu Caritas in Philippines ram Odette thlipi ruangah harsat tuar pawl inn thar pe.

Cebu Caritas in Philippines ram Odette thlipi ruangah harsat tuar pawl inn thar pe.

          February 14 tlawngkai nihnih ah Cebu Caritas in Boljoon hmun ih 2021 December ih Odette typhoon ih harsat tuar pawl hrang inn an pek. Cebu ih Auxiliary Bishop Ruben Labajo khal Kalumboyan khua ih harsat tuar pawl hrang inn 100 pek nak caanserh ah a tel ve.

          “Valentine ni ah pangpar le hninsi tampi nan ngah, inn le pawlkom khal nan ngah “ tiin Missa tuah lai ah Bisho Labajo in a sim. Himi umnak pawl cu Pathian ih thatnak le duhdawt nak lang ter tu an si” tiin a sim. Himi project ah Nang ka, San Antonio, Upper Becerril, Lunop le Lower Becerril khua pawl khal ah an pe.

          Philippines ih Caritas Fr.Antonio Labiao le Cebu Caritas ih Fr. Alex Cola Jr pawl an tel. “Hitawk hrawng ah inn lawng kan hmu lo nan Chapel le pawlkom pawl cu kan hmu” tiin Fr. Antonio Labiao in  a sim. Philippines ih Caritas, International Caritas le ram cozah pawl  komkhawm in himi bomnak inn project an tuah nak a si.

          Rai typhoon (Odette) thli sia cu Surigao de Narte hmun, Mindanao ih Dinagot tikulh, 2021 decemberm 16 ah Vasayasle Luzo ih Palawon ih hmun nga ah a cang ih December 17 ah Philippines ah ruahsur, thlihrang, leimin le thlipi pawl a cang.

          DROMIC ih an sim nak vekin hi thil cang mi in Leyte le Coragu hmun ih innsang 513,000 tuahmawh nak an tuar. Inn nei lo pawl an kir sal ih innsang 9,800 lai cu an sungkhat pawl thawn hmunhim nak hmun ah an um. A tam sawn inn pawl cu a siat thluh. Himi thuthang cu RVA thuthang ihsin kan don mi a si.

https://bit.ly/3YV62E6