Christmas puai pi tuah nak ding tikcucaan cu pulh nat ruangah Vatican ah thleng nak tuah December 10, 2020

Christmas puai pi tuah nak ding tikcucaan cu pulh nat ruangah Vatican ah thleng nak tuah

December 10, 2020

            Kum tin tuah ringring asimi Vatican ih Christmas puaipi tikcucaan cu leitlun pulhnat ruangah thlengnak then khat an tuah. Daan kel vekin Christmas zaan Missa raithawinak cu Rome khuapi ih tikcucaan zan  9:30 ah tuah ding a si. Christmas zan ah St.Peter Basilica tual rawnah Pope cu "Urbi et orbi" tiih kawh mi Rome khuapi le leitlun hmunkip hrang ahleice in thluasuah a pek theu. Tuikum ah cun vua cem niih thluasuah a pek vekin St.Peter Basilica sung lawngin Rome tikcucaan zan 12 ah thluasuah a pe ding.

            December 31 khalah a tuvekin tuah ding asiih kumkhat sung ngah mi thluasuah pawl hrangah lungawi nak khal Rome tikcucaan zan 5 ah tuah ding asi. Bawi nu suah ni puai le leitlun remdaih nak kum thar puai pawl ni an bangawk ruangah 2021 kum hrangah a hmaisabik Missa raithawi nak cu Rome tikcucaan zinglam 10 ah tuah ding a si. A tlun ih run sim mi program pawl cu a tel tu a mal thei bik in tuah ding asiih, harhdam nak kilkhawi nak hnget dingah tah nak pawl, social distancing pawl tuah asih ka huh nak (Mask) pawl bun in tuah ding a si. Himi thuthang cu Rome Reports thuthang ihsin kanngah mi a si.

Photo Credit: Daniel Ibáñez/CNA.

https://bit.ly/3oDXsaD