Colombo Archdiocese in vei (75) nak Children’s day puai Sri Lanka ah tuah.

Colombo Archdiocese in vei (75) nak Children’s day puai Sri Lanka ah tuah.

 (June 11, RVA)

          Colombo ih the Holy Childhood Society of the Archdiocese, Sri Landa in vei (75) nak nauhak pawl sunloih ni cu Colombo ih the Basilica of Our Lady of Lanka ah June 10 ah an rak tuah. Puai ih theme (thuluu) cu “Nauhak pawl, nan nih cu Pathian ih laksawng nan si” ti a si. Colombo Archbishop, Cardinal Albert Malcolm Ranjith-Patpbendige Don in puar ni cu cui puai ih tel tu Catholic mipa pawl, nunau pawl, Puithiam pawl, Sr. pawl, le mipi pawl thawn a rak hoha.

          Thu a sim mi ah, Ranjith in nauhak pawl hnenah an zumnak duhdaw dingah le Gospel mission tuantu pawl cang ding ah an mah le mah apawknak thawn, Bawinu Maria thawngin Bawi Jesuh thlun dingah a rak forh. Auxiliary Bishop pawl, Jayakody Aratchige Don Anton Jayakody, Anton Ranjith Pillarnayagam, le Sampathawaduge Maxwell Grenvillle Silva te khal cui program ah an rak tel. Cui ni cu Cardinal Ranjith le a dang Bishop pawl le Bawi Jesuh le Bawinu Maria ih zuk pawl thawn thil tu religious pawl hmuahnak thawn an rak thok.

          A thianghlim mi Rosary can theh hnu ah Missa raithawinak an rak tuah thok. Cu theh in, nauhak pawl ih thiam nak pawl hmuh nak, concert pakhat ah an rak thok. Mission ih director, Fr Suranga Niroshan Fonseka Pallansena in cangvaihnak an rak tuah. Pontifical Mission Societies 4 sungin pakhat cu Catholic Childern’s Organization pakhat a si mi, the Holy Childhood Association asi. Cu mi in Pawlpi hi ziang vek missionary pawlkom a si ti nauhak pawl ih thei dingah a bawm.France ram, Nancy ih Bishop Charles Forbin-Jason in 1843 lai ih pawlkom cu zumnak pakhat ih tharthawh dingah, lungsi ten nung dingah le lungawi ten hlawm dingah a rak sim.

          Sri Lanka ih mipum 21.6 million lole 1,552,434 ihsin zateek 7% cu Catholic an si. Archdiocese tel in diocese 12 pawl cu Catholic Pawlpi an si. Hi thuthang cu RVA thuthang ih kan ngah mi a si.