Columban ih a hlan superior general a si mi Hong Kong ah nunnak cem.

Columban ih ahlan superior general a si mi Hong Kong ah nunnak cem.

          Asia ram tampi China, thlang Korea, Taiwan le Hong Kong pawl ih rian a rak tuan tu Irish Puithiam cu January 6 ah Kowloon ih Columban inn ah a nunnak a cem. Caan tawkfang dam loin a rak um. Nunnak cem tu Fr.Mommy Murphy cu Hong Kong ih um the Missionary Society of St.Columban, Columbans tiih kawh mi sungtel a si.

          A nunnak a cemnak thu thawn Columban pawlkom pawl in "Columban ah riahsiat nak thawn a rualpi pawl an ra" tiin an sim. Amah cu Ireland ram Mayo khuapi Castlebar ah a rak suak. 1974 ah ordination a ngah ih, Murphy cu hmaisabik ah Korea ah tuanvo pek a si. 1979 ah Taiwan ih Mission thar an din caan ah Murphy khal a hmaisabik team ih tel mi a si.

          Ireland khal ah ram thuhla ih Direcotor a si. 2006-2021 Ireland ram Dublin ihsin Hong Kongih General council an thawn caan ah Superior general a tuan. Superior General tiin rian tuan a theh in a nunnak a cem tiang China ah rian a tuan. Fr. Murphy cu tuanvo tampi a nei ih cumi sungah Asia Bishop pawlkom ih laity commission ah secretary tiin khal a tuan.

          Thlang Korea le Taiwan khal ah rian a tuan ih Taoyuan ih St.Michael Church ah parish Puithiam dinhmun in taksa kim lo le nauhak kilkhawi nak pawl a din. China ah pungcawm nak lam ih coordinator tiin khal rian a tuan. Hong Kong ah thlacam  nak thawn thlaraulam lamhruai nak a nei ih Christian biakkhawmnak community le Beijing ih national seminary pawl khal a rak kai hruai.

          Immaculate conception Cathedral ih Parish Puithiam assistant tiin mirang mi pawl a rak hoha. 'Midang hran a riantuannak le a nunram sung raltha zet ih hna a tuan nak ruangah kan van a tha ih a mah kan sung cu leilungpi in a tuar. Hahdamten a thlarau cawl in le a sungkhat Columban ih a innsan pi le a rualpi pawl zate hrang thla kan cam tiin an sim.

          Congregation in a unau Castlebar ih um Michael, Swords ih um Padraig, a naunu Anna, a tuu pa, a tuu nu le a sung khat rualpi pawl hnen an riahsiat nak thu an sim. Riatsiat nak ca cu website ah an tarlang. Cui ca ah amah cu suahkeh in mitha zet asiih bawm tul mi pawl a bawm. A dam sung ah leilungpi hrang thil tha tampi a tuah.

          Midang pakhat ih a simmi cu amah cu duhnung um zet asi, mangbangza le pawlkom nak le theihthiam nak nei mi khal a si. Amah a hmu tu pawl in mi mawi te nel um zet a si. Mi tlaitluang zet tiin theih asi tiin riahsiat nak ca ah an ngan.

          Amah vuinak cu Hong Kong ih tuah asi ding. Missa raithawinak cu January 14, sun 12 ah Castlebar ih the Holy Rosary Church ah tuah a si ding. Columban Missa raithawinak le phumnak cu a thaisun ah tuah a si ding. Himi thuthang cu RVA thuthang ihsin kan don mi asi.

https://bit.ly/3XpCBsK