Columban Pathian rian tuan nak pawlkom khal sersiam mi par ih cangvaih nak tuah (August 28, 2020)

Columban Pathian rian tuan nak pawlkom khal sersiam mi par ih cangvaih nak tuah

August 28, 2020

            Columban Pathian riantuan nak pawlkom khal sersiam mi parih cangvaih nak cu video in leitlun ih thaw nei mi pawl thu le an ton mi harsat nak thu cu line in an thlah ding a si. Himi cangvaih nak cu leilung killi ih Khristian pawl ih kum tin tuahmi thlacam nak program asi.

            Himi cangvaih ank cu September (1) ihsin thok in October (4) tiang nemhngek in an tuah. Cui October (4) ni cu Assisi khuapi ih St. Francis ih puai ni asiih, cui puai in a cem ding. Ziangruangah tile St. Francis Assisi cu kiangkap a duh ih a kilkhawi tu Mithianghlim a si.

            Curuangah kiangkap a kil him tu Mithianghlim tiin an sunloih. A dang Khristian pawl khal in an u pat. Himi cangvaih nak ah a dang Khristian khal in thal cam nak, kiangkap thianfai nak ihisn a dang cangvaih nak pawl ah tel dingah an sawm. Columban Pathian rian tuan tu pawl in leilung pi ih Jubilee thu cu line in then ruk in an thlah ding. Then khat ciar cu minute (15) a rei ding. Cui thlah nak cu August thla (31) tlawngkai ni khat in thok ding a si.

            Himi program cu Washington ih Culumban Pathian rian tuan nak pawl kom ih thu dik le rem dai nak zung in thlah asi ding. Cutivekin Ireland, America, England, Philippine, Hongkong, Thlang Korea le Kawl ram ihsin khal thlah bet ding a si. Himi thuthang cu Vatican thuthang ihsin kan ngah mi a si.

Source: Vatican News

https://bit.ly/3jI1tZb