Columbus pawlkom a dintu cu October thla ah Mithianghlim sinak an pek ding 24.7.2020

Columbus pawlkom a dintu cu October thla ah Mithianghlim sinak an pek ding

24.7.2020

            Columbus pawl tiih Siangbawi tlawng dintu Fr.Michael McGivney cu October 30 ah Mithianghlim sinak an pe ding tiin Mithianghlim can nak thawn pehpar mi council ina  sim. Mithianghlim cang thei dingah a tul mi thilti thei nak cu Pope Francis in May (27) ah a nemhngek. A suah pek te ihsin a tontai ih a thi zik mi nauhak cu Fr.Michael ih thlacam sak nak ruangah mang bang za in a dam sal. Himi Fr.Michael ih Mithianghlim cannak ding missa raithawi nak cu a suahseem nak khua asimi Connnecticut ah tuah a si ding.

            Amah  cu Columbus Siangbawi pawl kha 1882 kum ah a suah nak khuaah a rak din. Anmah pawl ih a hleice ih Pathian hna a tuan mi cu nuhmei pawl le an fate pawl bawm dingah a si ih a tui caanah Siangbawi tan 2 hrawng cu leitlun killi ah Pathian hna a tuan rero. Cui Siangbawi pawl cu American dolar tan 185 cu kawhhran le bomnak hnatuan nak ah an hmang ih IS Pawl ruangah a tlan tu Khristian pawl khal an kil him ih an tul mi bawm nak an pe. Pope Francis cu anmah pawlih anasa zet mi an hnatuan mi pawl le taksa thlarau hrang hna tha zet ih an tuan nak cu a lawm.

https://bit.ly/331LYWU