Columbus ralkap pawl in nu pawl kilhim nak tlawng ah hmuan an tuah July 29, 2020

baby_feet_credit_eleonora_os_shutterstock_cna.jpg

Columbus ralkap pawl in nu pawl kilhim nak tlawng ah hmuan an tuah

July 29, 2020 

            Columbus ralkap timi cu Siangbawi pawl dinmi Alberta khuapi ih nu pawl le nauhak pawl kilkhawi nak hrangah cui tlawng ih dunglam hmuan lawngah thil ciin nak hmuan an tuah thu theih a si. "Alezabeth inn" tiih hmin pek mi cui tlawngah rin lo pi ih nau a von tu nunaupawl, mah te ih a um tu nu pawl le a harsat mi dinhmun ih a um tu nu pawl um nak a si.

            Cui inn ah nu pakhat cio cu a tha zet mi mah te um nak khan, in ei le nauhak kilkhawi nak a um. Cuihleiah nauhak pawl fimzir nak hrangah bom nak an ngah ih, rualpi pawl thawn ton awk caan khal an ngah.

            Cui inn ih tuanvo nei tu in a tui tuah mi hmuan cu fale pawl hrangah leh nak hmun asiih hleiah, a thaw ih a tha mi in le ei ngah a theih ding thu, covid pulhnat sungah nu pawl hrangah a nuam zet mi hmun a si ding thu Catholic thuthang in a sim.

            Cui inn cu zangfahnak ( Sisters of Charity of St. Louis) Sr pawl in an din ih rinlopi ih nau a von mi nunau pawl, beidongih a um mi nu pawl hrangah tumtah ih din mi a si. Tui caanah Columbus pawl in dollar tampi cem in an rem ih tui tiang a ding thei. Columbus miraltha pawl in hmailam khalah an bawm vivo dingih, hi nunau pawl parah zumnak le man neih nak cu himi inn in a lang thei ding tiin a sim bet. Himi thuthang cu CNA thuthang ihsin kan ngah mi a si.

Source: CNA thuthang

https://bit.ly/2DvESyW

Add new comment

7 + 0 =