Corona virus nathrik len sung mipi pawl thawn missa raithawinak an tuah ruangah Siangbawi pawl kaih an tong (March 30, 2020)

Corona Virus nathrik len sung mipi pawl thawn missa raithawinak an tuah ruangah Siangbawi pawl kaih an tong

March 30, 2020

Leitlun hmun kipih a karh zai rero mi Covit-19 ruangah a cozah thu nei tu pawl ih thusuah mi mipi pum khawmnak le nunphung daan thawi tuah mi a dangdang pawl tuah lo ding ti mi thuah Siangbawi pathum cu zarhpi ni 29.3.2020 ah kaih an tong.

Fr. Deogratius Kiibi Kateregga cu Uganada ram, Mpigi ih St. Joseph Catholic Parish Biakinn piah mipi pawl thawn Missa raithawinak a tuah ruangah kaih a tong tiah thei a si. An simnak vekah cui Missa raithawinakah a mal bik minung15 an kai tiah an sim.

India ram Kerala Stateah Siangbawi 2, Siangbawi tlawngkai lai 2 le Sister pathum cu Minor seminary of the Congregation of Missionaries of Fait, Biakinn te ah khawmnak an tuah tin kiangkap ih simnak ruangah an pasarih in kaih an tong tin an sim.

Cun a dang Siangbawi pakhat cu Fr. Paul Padayatti a siih our Lady of Perpetual Help Church, Biakinn piah Requiiem Mass (mithi hrang Missa raithawinak) a tuah ih minung 100 lenglo in cui Biakkhawmnak ah an tel tiah an sim. March ni 24 ihsin thokin ni 21 sung Lockdown an tuah mi thu ah India a cozah ih thusuah nak an ngai lo ti ih kaih an tonnak a si ti tiah CAN thuthangin kan ngah a si. March 29.2020 ih an simnakah nat ngah tu minung 980 an um ih 24 in thihnak an tuar thu CAN in kan thei thei a si.

Hi mi thu a nepnawi ih thei na duh le hi mi link kha hmet aw la zoh thei a si.

https://bit.ly/3ask5bj