Coventry ih Bishop Christopher Coxworth le Leicester ih Bishop Martin Snow pawl in Kawlram hrangah thlacam

conventry_ih_bishop_christopher_coxuoth_le_leicester_ih_bishop_martin_snow_pawl_kawlram_hrang_thlacamsak.png

Coventry ih Bishop Christopher Coxworth le Leicester ih Bishop Martin Snow pawl in Kawlram hrangah thlacam

            Kawlram hmuntinkim ih myo fate, myo picang pawlah lamzin parah a suak tu thawng tampi mino pawl ih ralthat nak pawl an von mang. Anmah pawl cu nunram, nunnak pawl pe in mai neh mi Democracy caan tha ngah sal dingah ramdai ten duhphorhnak pawl ah an tel. Mino  pawl hrangah thla kan cam sak. An nulepa pawl hrangah thla kan cam sak. Ahleicein ralkap ih thah tuar ih mai sungsuak fa pawl sung tu nulepa pawl hrangah thla kan cam sak. Kan harsat nak pawl ah kanmah pawl kan hnem ih bom a tul tu pawl bawm in thazang in pe tu Pathian, Kawlram hrangah Bawipa kan lo ko.

            Duhdawt mi pawl sung in thin na tu pawl le remdaih nak hrangah duhphorh nak nei tu pawl hrangah thlacam nak in kan lo ap. Ralkap ih thinlung pawlah anmah pawl kilhim dingah thukam nak an pek mi mipi pawl hnen ah run kir ter aw. A tui buai nak felfai ter theei dignah thla kan cam. Himi thil cu kanmah pawl hrangah a ollo nan, Bawipa nangmah thawn a si ahcun ziang tinkim a cang thei. Bawipa cu thil tithei nak thawm huham nei tu a si. Ralkap hotu pawl a sim thei tu pawl, an kiangnaiih um tu pawl hranah thla kan cam sak. Mai ram mipi pawl cu zangfah nak um loin thah nak hnak in buai nak pawl felfai ter thei dingah a tha mi lamzin pawl run hmuh aw.

            Kawlram in buai nak tampi an tuar zo. Thureltlang thei dingin mangbangza pakhat lang dingah thla kan cam. Remdaih nak le daih nak run pe aw. Vancung um kan Pa, Kawlram hrangah thla kan cam. Tuah mawh nak cawl dingah thla kan cam. Rampi hrang buai nak, hrem nak in run kil khawi aw. Remdaih nak ngah dingin thla kan cam. Ram mipi pawl hrangah a hman ih a dik mi hmailam thar hrang ah thla kan cam. Vutcam lak ihsin  kum tampi cammi thlacam nak a felfai mi thawn thla kan cam. Aw Bawipa in ngai thiam aw. Amen.

Credit : Francis Shane

Add new comment

5 + 10 =