Covid-19 caan sungah Myitkyina Diocese ihsin in le ei pawl bawm nak an pe. July 17, 2020

Covid-19 caan sungah Myitkyina Diocese ihsin in le ei pawl bawm nak an pe.

July 17, 2020

            Kawlram ih saklam Myitkyina Diocese cu covid-19 ruangah harsat a tuar tu minung pawl hnen in le ei bawm nak pawl pek nak cu Parish 25 ah an tuah. Covid ruangah harsat a tuar rero tu ralkap le hriamhrei a kai tu pawlkompawl karlakah raldo nak ruangah a tlan tu ram mi pawl a hleice in an tel. Myitkyina Diocese ih tuanvo neitu Fr.Paul Wanghte Lum Dau in covid pulhnat nat ruangah rammi pawl in le ei lamah harsat an tuar ih hnatuan nei lo ih an um ruangah Siangbawi pawl hnen ihsin bawm nak an dil thu an sim.

            Cozah in covid nat khamnak program pawl an than thok ihsin Myitkyina Dioceses khal Bishop Francis Daw Tang ih lam hmuh nak in covid nat khamnak pawlkom an din. Cumi pawlkom cu kaa huh nak, kuthruk, thermometer le kut kholh nak pawl na zem ih, covid nat kham nak hrang bawm nak a si ding tiin ruahsan a si thu Fr.Noel Naw Lat in a sim.

            Bishop Francis in covid that lo nak cu nasazetih a tuar tu pawl a harsa mi innsungsang pawl le raldo nak ihsin a tlan tu innsungsang pawl an siih, pumcawm nakah harsa zetih an um rero lam hmuh a si.

            May thla ah Parish a phunphun ihsin mino pawl le Siangbawi tlawngta pawl cu leitlun harhdam nak pawlkom, UNICEF le NGO pawl ih bawm nakin covid kham nak hrangah an zir. Tui caan ah anmah pawl cu bawmnak thilri pawl zemnak cu Parish 25 ah an tuah rero a si. Cuihleiah covid-19 thawn pehpar ih theih ter nak thu pawl khal Asia Pathian thu thlahnak zung (RVA) ihsin cat loin an thlah thu theih a si.

https://bit.ly/39nGiaR