Covid-19 dokham nak si thawn pehpar in a cang thei ding mi siilam thawn bang aw dingah England Catholic Bishop pawl in forhfial. September 25, 2020

Covid-19 dokham nak si thawn pehpar in a cang thei ding mi siilam thawn bang aw dingah England Catholic Bishop pawl in forhfial.

September 25, 2020.

            Covid nat suan awk nak in thokin dam lo nak ruangih a thi tu pawl an um. Siilam thawn pehpar mi tuah nak khal theih tawk in tuah a si. Himi nat ruangah thin phang tu pawlkom pawlkhal kham duh nak ruangah dokham nak sii tuah thei dingah khal thazang suah rero a si.

            England ram le Wales Catholic Bishop pawl pawlkom in a liam zo mi tlawngkai ni li ah covid-19 nat kham thei nak si tuah thei nak le zem darh nak thawn pehpar in thusuah pakhat an suah. Himi dam nak cu cell pawl hman a si ih, cui cell pawl cu naute pawl ih tissue ihsin ngah mi timi thu thawn zoh san nak, ruah nak bangawk nak le bangrep ank pawl thu an suah.

            Catholic Khristian pawl sinak in nu Pawlpi ih nunphung zirh mi thawn a bang aw lomi zoh fel nak pawl, sumpai hawlnak pawl, thil tha lo tuah nak a um asile kham dingah tuanvo a um thu, hitivekih tuah lo asile dokham nak si pek ank ah naukham nak tuah nak pawl khal a peh par awk ruangah ziaza tha siatsuah nak pawl thawn ton a si ding.

            Siivai ziangtin tuah timi a hrampi pawl khal tuah ding tiin ruahsan asi thu, a thupi ih ret mi thu suh mi cu dam ter nak hrangah a tul mi cell pawl ziang tin ngah a si. Thlak mi naute ihsin ngah zat timi thuhla asi. Zum nak thawn pehpar mi zirh mi pawlkom le minung nunnak thawn pehpar mi thuhla pawl a zingzoi tu kawhhran pi in himi thu cu felfai zet in a lang ter duh. Dokham nak sii cu minung pawlkom ih that nak a si. Company pawl cu covid-19 ruangah dokham nak sii pawl tuah thei dingah tuah rero nak thawn pehpar in Catholic kawhhran pi cu minung tinkim ih nun nak le mi tinkim ih harhdam nak hrangah humhim a si. Midang ih nunnak khal that lo nak cang ter lo ding timi khal a zirh.

            Pope Francis khal covid-19 dokham nak sii tuah nakah hlawh tling dingah le that lo nak um lo dingah le leilungpi hrang fam kim ten daih dingah zangfah a dil thu, do kham nak sii tuah nak ah mah le mi bur hrang, mah pawlkom hrang lawng siloin kiangkap zaten hrangah ahleice in sumpai ti thei lo tu mi  farah harsa pawl hrang khal ah a si ding thu a forh fial. Himi thuthang cu Vatican thuthang ihsin kan ngah mi a si.

https://bit.ly/30gghab