Covid -19 nat karhnak a thang nak ruangah Capiz Archbishop Advincula in Vatican khual tlawn nak ding a thulh November 11, 2020

Covid -19 nat karhnak a thang nak ruangah Capiz Archbishop Advincula in Vatican khual tlawn nak ding a thulh

November 11, 2020

            November 28 niah Cardinal tiih khaisan dingmi Cardinal thar 13 sungin a tel ve mi Philippine ram Capiz Archbishop Jose Advincula cu Italy ramah covid-19 nat karhnak a zia vivo ruangah Vatican ih a feh nak ding cu tul sal dingah thu a pot cat thu Bishop ih sum rel thei nak a nei tu Fr.Emilio Arbatin ih sim nak in kan thei a si. Fr.Arbatin cu "kum 68 a si zo mi Bishop ih vanzam lethmat man cia in tuah a si zo nan, a tuvek caan ah khual tlawn ding asi thiam lo ruangah a khual tlawn nak a thulh nak a si. Cardinal Luis Tagle ihsin himi thuhla cu Pope hnen thuhla an sim zo a si. Brunei ram in Cardinal Cornelius Sim khal himi khual tlawn nak a thulh" tiin an sim.

            Canon daan vekin Cardinal ih khaisan nak caanserh Vatican ah mah rori tel lo theih lo tivek siloin Pope ih khaisan nak thu lawng a thupit thu, Pope Francis in Capiz ah tuah in "a sen mi lukhuh" a khum thei thu, cui canserh hman nak thawn pehpar in Vatican ih Pope thawn pehpar mi khawm nak ih tuan vo nei tu Msgr.Guido Marini ih a nepnawi ih lam hmuh nak pawl an hngak thu khla an sim bet. Italy ram ah November 6 ah covid-19 nat suan tuar tu 30000 luan an um ruangah nikhat sung nat suan tuar nak a tam bik asiih, pulhnat a thoh ihsin cui nat ruangah nunnak a cem tu 40000 luan an um zo ruangah Europe ram pawl ah Italy ram cu nat suan a thi tu a tambik dinhmun ah an um. Himi thuthang cu CBCP thuthang ihsin kanngah mi a si.

Source: CBCP News