Covid-19 nat suan tuar tu mina pawl a kilkhawi rero tu Catholic volunteer pawl an nunnak tih a nung May 13, 2021

Covid-19 nat suan tuar tu mina pawl a kilkhawi rero tu Catholic volunteer pawl an nunnak tih a nung

May 13, 2021

          India cu leitlunhuap pulhnak sia a cannak, a besiat bik nak hmun a si. Ram ih siizung pawl zaten covid mina pawl thawn a khat. Nat suan a tuar tu mina pawl kilkhawi dingah Bangalore Catholic Archdiocese khal thatho zet in a tel. Cui nunphung pawlkom ah Puithiam pawl, Sister pawl, mino pawl kom in Catholic pawlkom ih din mi siizung pawl ah an tuan.Cui cangvaihnak ah lam hruai tu, Archdiocese ih mino tuanvo nei tu khal a si mi Fr. ANIL D’SA in ‘nat suan a tuar rero tu mino pawl tikcu khel in kilkhawi tu um lo ruangah khal thih leh hloh nak zateek a tam deuhdeuh.

          Catholic volunteer pawlkom dinhmun in an silhkhah rero lai ih volunteer pawl dinhmun khal in humhimnak an la rero ko nain a ngai ngai ah cun nat suan a tuar rero tu mina pawl kilkhawinak hi nat suan theih mi dinhmun tiang a cang thei. Asinain, zuam zet in an tuan rero ih tu vek ih tuan dingah zohman tuah tengteng dingah an dil lo ih mi tenau bik pawl hrang rian tuan duh nak, cawm duh ih mah ih ap awk nak a si thu, hi vek in nunnak lam ah tih a nung zet ko nain apawknak thawngin Pathian ih duhdawtnak teette khan in Pathian ih tuah mi pawl midang pawl hmuh ter a theih thu, a hlei ce in mitin ih thinphan zet mi tui tikcu caan vek ah a tak tak ih bawm nak a tul tu pawl hnenah feh in bawm a theih. Cu lawngah a dam lo mi leilungpi a dam ter sal ding thu volunteer an tuannak ih an hmuhton mi pawl a rak sim.

          Bangalore cu India thlanglam, Karnataka pengih khuapi a si. Hi peng pakhat lawng ah natsuan a tuar mi mina taanhnih an um. India ram cu covid-19  humhimnnak sii tuah nak a tam bik mi ram pawl sungin pakhat a si ve ko nain ram ih mipum zateek 2.6 lawng siivai an dawt thei lai ih an ram ih harsatnak a sang zet mi tui dinhmun ah mino pawl in mai nunnak ui lo in ram hnenih ruahsannak pe thei dingah an zuam rero tiin a sim.

          Hi thuthang cu Rome Reports thuthang ih kan ngah mi a si.

Photo courtesy of : Rome Reports/Google images

https://bit.ly/3uT3kA5