COVID-19 pulh nat ruangah ei le in lam ah a har thei tiah Vatican in sim ti mi thuthang. May 16, 2020

COVID-19 pulh nat ruangah ei le in lam ah a har thei tiah Vatican in sim ti mi thuthang. May 16, 2020

             COVID-19  nat nak in minung pawl a thih ter lawng si lo in ei le in, ti le rawl lam ah har sat nak a thleng ter a si. Curuangah ei le in, ti le rawl tam a nei mi pawl in ei ding nei lo pawl hlawm dingah in forhfial a si. Pawlkom ih rikhiah cu pakhat le pakhat upat tihzah aw ding, a thupibik in mifarah pawl le bawm nak a tul mi pawl ziang tin kan bawm ding ti mi par ah a bun aw. Hi vek ih mi harsa pawl ih harhdam nak lam ih kilkhawi ding lawng si lo in ziang ti vek in kan kilkhawi ding. Tha neih nak in nat nak a kham thei ruangah harhdam te ih kan um a si le hi pulh nat kan kham thei ti nak a si. Pope Francis ih forhfial nak hnuai ih um, nun humhim nak le mipi thanso nak zung ih tuanvo nei tu Augusto- Zampini-Davies in COVID-19 pulh nat nak caan ah ei le in suah nak a tum suk. Tlawngta nauhak pawl cu tlawngah suncaw an ei theu ih ruangah an nu le an pa pawl in suncaw an rak tim cia sak lo. A tu caan ah cun tlawng an phit theh ruangah nauhak pawl in suncaw an tul thlang. Curuangah rawl suah nak zung ah harsat nak a um. Mitampi le hnatuan nei lo hlir ah an cang thlang. Mihrek khat cu hnatuan nei lo cu an si lo nan nat nak ruangah ram in hnatuan caan tin rikhiah a tuah ih tuan mi pawl an si.

              Hi vek ih tuah nak in khat lam ah cun pum cawm awk nak lam ah a harsa deuh deuh. Ram ih ei le in a bawm nak cu inn leng pot lo dingah in duh a si. Asinan, a tak tak ah inn leng pot lo dingih kham a theih lo. Ziangah tile kut a caang vaih lawngah pum a puar thei dingih kan pum a puar lawng ah kan caang vai thei ding a si. Pope Francis in leilung pumpuluk ih hnatuan tu pawl ih thlatin an ngah mi sumpai lam thawn peh par in a suh tik ah Puithiam in hi dil nak khal sumdawn nak a har lai ih an tuah daan a si. Daan a si ruangah a that nak le sual nak a um. Asinan, ram mi pawl ih harhdam nak kilkhawi a tul le pakhat khat kan tuah a tul. Pawlkom tin kim in hringhro nak an tong rero. Curuangah mifarah pawl mithmai tha kan pek tul. Kan mah thawn sai lo le hmu lo awk ter vek ih um a ngah lo.

            Leilung pumpuluk ih a tumbik pawlkom a si mi ram tinkim thawn pehpar mi Caritas ih secretary a si mi Aloysius John khal in Pope Francis ih in forhfial vek in mi tlasam, bawm tu nei lo, kan bawm nak a tul mi pawl kan bawm lo a si le zo so a bawm nawn ding tiah a rak ti. Hi thuthang hi CNA thuthangin kan ngah mi asi.

https://bit.ly/2Xhtm0F