Covid-19 ruangah Missa sumnak ih hman dingmi sangreu pawl an khawl. May 29, 2020

Covid-19 ruangah Missa sumnak ih hman dingmi sangreu pawl an khawl.

May 29, 2020

          St. Cecilia Sister tlawng ih a ummi Abbey (Yatih) Sister pawl cu Benedictine Sister pawl an si. Himi Abbey (Yatih) tlawng cu English Channel ih a um mi Weight tikulh fate ah an um. Anmah pawl cu Missa raithawinak ih hman ding mi sangreu( sang) an zuar.

          Yatih (Abbey) Sister tlawng cu (1882) kumah an phuan thokih, sangreu cu (1924) kum ihsin thok in an tuah thok. A lei tu minung (350) tlun an um ih, cumi lak ah minung (165) cu hmanhman ih a lei tu pawl an si. Covid-19 ruangah Missa raithawi nak, Biakinn khar ding thu hla pawl ruangah sangreu tuah dingih tuanvo nei tu Sister pawl in a lei tu pawl hnenah phone thawn khal in siseh, Email thawn khalin siseh an cah mi sangreu cu ziangtin kan tuah ding tiih an suh tikah tuah theh zo mi sangreu (hmuk) thuk pawl cu kilhim sak dingah zangfah an dil. An tuah zomi sangreu hmuk cu a dai le a hlum a bangran mi hmunah ret tikah sangreu cu thla tampi ret that a ngah  mi a si.

          Biakinn on sal caan, khawm thei sal caanah hmanhman tuah a theih tikah cui sangreu cu hman sal a theih ding. Sister pawl cu sangreu (hmuk) zuar in an ngah mi paisa cu a hleice ih an ruahsan mi a si ruangah Siangbawi pakhat ih ruah nak a pek mi cu, a tui caan ah sangreu cu zuar loin, aman lawng kuat dingah le then khat cun Sister pawl hrang a hlu paisa pawl an pek. A hlan kum pawl ah cun sangreu cu tan 4 hrawng le a tum cu (76000) hrawng an zuar thei. A tui kum ahcun sangreu a fate (828200) le a tum cu (20000) lawng an zuar thei. Cutawk tlawng ah Sister (31) an um thu, an mah cu kum 22 ihsin 92 tiang an siih, thenkhat cu a zir rero tu an si thu, Sister pawl in sangreu cu tuah in an zuar nak cu kum zabi pakhat hrawng a luan thlang. Sangreu tuah nak cet cu (2019) kumah an lei ih, hmuk rawh nak ding khuat thum a tel.

          Sangreu tum pawl at (phel) nak cet cu (2015) kumah an lei. Sangreu tuah tikih a fuan sangphut a phel fa tete pawl an khawl khawm theu ih an um nak kiangkap ih  lothlo tu pawl hnen ah pe in le an zuat mik run pawl an pek ter thu, Sister tlawng sungah a burbur ih Pathian thu lung ngai nak inn pawl khal a um ih, sapian, cibai buk nak ih hman ding mi card, biak nak lam ih card a phunphun, Pathian zuk pawl khal an tuah thu, asinan covid-19 ruangah cu tawk hmunah  Pathian thu lung ngai tu pawl an um lo ruangah an phit ih an cawl thluh thu, Sister pawl ih a hleice ih Pathian hna an tuan nak cu thlacam nak a si thu, a tui pulhnat caanah Sister pawl ih thlacam nak cu tam deuh in thlacamnak an neih thei thu, midang pawl Missa raithawi nakah an tel thei lo nan, Sister pawl hrangah an kiang ih um mi Yatih (Abbey) Siangbawi pawl in nitin Missa an tuah sak ruangah an lung a awi thu, rei lo te ah thil um daan zaten a hlan vekin a si sal thei nak dingah thlacam nak thawn ruahsan nak an neih thu cu tuanvo a nei tu Sister in a sim a si. Hi mi thuthang CNA in kan ngah mi a si. Nan zate parah lungawinak tam pi kan nei.

https://bit.ly/36N1E05