Covid humhimnak sii hmang tlang dingah a forhfial tu Pope Francis ih Christmas thucah December 25, 2020

Covid humhimnak sii hmang tlang dingah a forhfial tu Pope Francis ih Christmas thucah

December 25, 2020

          Pope Francis in an tuah daan kel vekin Christmas ni ah Christmas thucah a cah ih Rome khuapi le leilungpi cu “Urbi et Orbi” thluasuah a rak pek. Christmas thucah sungah Pope Francis in “Covid humhimnak sii a suah caan ah ram hotu pawl, siivai company hotu upa pawl, ram tinkim pawlkom pawl dinhmun in siivai cuh aw ih lei nak pawl tha pe lo in humhimnak sii cu mitin ih ngah thei nak ding hrangah tuan tlang uh si,” tiah a rak forhfial.

          Cu vek in Pope Francis in “ni suahnak a lai lak hmun le Africa hmun pawl ih a cang rero mi harsatnak pawl reh nak, America continent pumpuluk ih a cang rero mi harsatnak pawl deem ter deuh nak hrangah khal zuam zet in a rak sim. Pung hman vekin Pope Francis in St. Peter tualrawn a hoih mi inn ihsin thluasuah a pe theu ko nain tui caan ah cun Covid daan thawn kaih in St. Peter tualrawn ah mipi tonawk theih lo nak dingah Christmas tongkam thawn thluasuah a pek nak cu Hall of Benediction in live an rak thlah.

          Hi thuthang cu Vatican thuthang ih kan ngah mi a si.

https://bit.ly/2WIE0NW