Covid le harsatnak pawl karlak ih tuah mi a hmaisabik Bawipai Thi le Sa san nak. September 04, 2020

Covid le harsatnak pawl karlak ih tuah mi a hmaisabik Bawipai Thi le Sa san  nak. September 04, 2020

          Burkina Faso ram ih sumdawnnak khuapi Kaya ah nauhak hrekkhat cu a hmaisabik Bawipai Thi le Sa san nak an rak tuah. Cui khua ih Fr. Gabriel in an mah pawl cu Dablo in an si ih cu tawk sungih hrem nak pawl ruangih a tlan tu pawl an si ih Covid ruangah programme pawl an thawn ih tu lawng ah hmaisabik Bawipai Thi le Sa san nak a si tiah a sim.

          Burkina Faso ram, Africa nitlak nak lam ih um mi ram fa te a si ih 2015 ihsin thokin rit theih thil le hriam hrei lam ih sumdawnnak a karh ih acozah hman in dai ten a rak uk thei lo. Cazin an lak nak vek si le minung tankhat hrawng cu harsatnak an tongih minung thawng za leng lo cu an relh ih an tlan. Biaknak lam ih ruah nak tha lo a nei tu pawl in ram ih zateek 30 mipum a um mi in  Christian pawl cu tuahmawh dingah an tumtah mi a si.

          Kan dungkum, May thla sungah methal a keng tu mortor cycle pakhat cun Zarhpini Missa raithawinak tuah nak biakinn a rak kap ih Fr. Simeon le a dang panga an rak thi tiah September  15, 2020 ah Aleteia thuthang ih kan ngah mi a si.

https://bit.ly/2E9ucHc