Covid nathrik an hmuh ruangah Mother Teresa ih Sr. pawl in a suah ni programme pawl an bal sal. August 27, 2020

Covid nathrik an hmuh ruangah Mother Teresa ih Sr. pawl in a suah ni programme pawl an bal sal. August 27, 2020

          Zaangfah lainat nak hnatuan pawl tiih kawh mi Mother Teresa ih Sister pawl cu a tinkaing rak din tu Mother Teresa ih suah ni ih programme pawl an bal sal thu theih a si. Ziangah tile Sister pakua in Covid nat hrik an ngah ruangah a si.

          Kum 1997 ih a rak thi tu Mother Teresa cu tlawngkai nithum ni ah a suah ni kum 110 kim ni a si. A thlaan um nak an hrampi tlawngah a suah ni tinten Novena nikua  sung an tuah theu.

Zaangfah lainat nak hnatuantu Sister pawl hnenah midang thatnak hrang tauntu Sunil Lucas in Sister pawl cu mifarah pawl le umnak inn nei lo mi pawl a bawm tu an si ruangah Covid nat an ngah nak a si tiah an sim.

          A mah in Sister pawl cu mi ral tha pawl tiin a rak lawm ih Covid nat tikcuu caanah mifarah pawl hnen ah tih lo ten feh in a va bawm tiah a sim. Tu ah cu covid nat ngah tu Sister pasarih pawl cu an zia vivo thlang.

Kum tin ten Pathian biaknakih khal tlawng tu thawng za leng lo pawl cu Mother Teresa ih suah ni le Novena caanah an rak thleng ih thluasuah an rak dil.

          Kan dung kum khal ah a mai Sister 300 pawl cu a thlaan ah an feh ih lungawi suah ni si hram seh ti mi hla an rak sak theu. Tu kum ah hla cu drama thawn tuah nak cu rikhiah a si ko nain Sister pawl hrangah a dangten Missa raithawinak an rak tuahih kawhhranpi pawl in pangpar pawl thawn upat nak an pek tiah August 27, 2020 ah CNA thuthang in kan thei a si.

           https://bit.ly/3gOa4Yq