Covid pulhnat nasa zet ih a karh ruangah Bawi Jesuih Thi le Sa thawn khuasung vel in thlasuah peknak (August 5, 2021)

Covid pulhnat nasa zet ih a karh ruangah Bawi Jesuih Thi le Sa thawn khuasung vel in thlasuah peknak

August 5, 2021

          Kawlram ah coronavirus pulhnat a veithumnak a thawh ruangah nitin in mi thi an tam deuhdeuh tiin thuthang pawl in theih a si.

          Cu a si ruangah mi tampi um tlang nak a cang thei tawk ih hrialnak ah Catholic Pawlpi khal in Biakinn pawl cu ni rikhiah tuah lo in a khar ih online lawng in Missa Sumnak a tuah rero.

          Kawlram Catholic Bishop pawl pawlkom khal in August 3 in 18 tiang a cuangce ih thlacam ding ni ah a nemhnget.

          Cu vek ih nemhnget hnu ah Diocese hrekkhat ah an mai umnak sungah Bawi Jesuih Thi le Sa thawn vel phah in thlasuah an pek mi pawl hmuh a theih.

          August 5 zinglam ah Mandalay Catholic Archdiocese, Chan Tar Kung Rosary Siangpahrang Bawinu parish ah Bawipai Thi le Sa thawn vel in thlasuah peknak an rakt uah tiin theih a si.

          Cu vek in July 31 ah khal Mandalay Diocese, Chaung Yu khua ah khal Bawi Jesuih Thi le Sa thawn vel phah in thlasuah an rak pek thu theih a si.

          Parish Puithiam Fr. Kyaw Thu Rah in ‘leitlunhuap ih karh rang zet mi covid-19 a veithumnak humhimnak ah thlarau lam ih thazaang ngah thei dingin humhimnak ah zaanlam nazi 3:00 pm ah Puithiam a umnak khua ih um nisuahnak lam- St. Peter, nitlak nak lam-St. Paul, thlanglam- St. John, saklam-St. Thomas, veng thar- St. Augustine veng pawl ah inn tin ah Bawi Jesuih Thi le Sa thawn vel phah in siseh, ti thianghlim theh nak thawn siseh, Saam 91 nitin siar sak nak thawn siseh, humhim aw in an khuasa’ tiin Chaung Yu Parish ih Parish Puithiam in a facebook cahmai ah a rak tarlang a si.

          Hi thuthang cu RVA Myanmar thuthang ih kan ngah mi a si.