Covid thawn nunnak a cem tu Catholic Siangbawi pawl le Pathian hnatuan pawl cazin suak. July 20, 2021

Covid thawn nunnak a cem tu Catholic Siangbawi pawl le Pathian hnatuan pawl cazin suak.

July 20, 2021

            Covid nat suan tuar in nunnak a cem tu Catholic Siangbawi pawl ruangah Siangbawi pawl buainak an tong thei tiin thuthang lam pawl in an sim. Ziangruangah tile covid nat a thok ihsin thuthanglam hnatuan pawl in nat suan tuar ih nunnak a cem tu Siangbawi pawl le Pathian hnatuan tu ziangzat an thi timi an cazin an tuah. A tui run langter ding mi cu covid ruangih nunnak a cem tu leitlun ram thenkhat ih Siangbawi pawlih cazin a si. Cazin vekin nat suan tuar in nunnak a cem tu pawl cu kum upa pawl an si lo. Asinan kum upa cu an tam sawn. Nunnak a cem tu Siangbawi pawl, Pathian hnatuan a tam sawn cu covid nat nei pawl a nei ten tuamhlawm tu pawl an si.

India ram

            India ram ah 2021 thal a thok lam ah covid nat suanawk nak a zai. Cutivekin mitthi khal an tam. April thla khat sungah nikhat ah Catholic Siangbawi le Pathian hnatuan zatek 2 tluk in an thih thu, a hman in Catholic Kohhran cu Hindu a tam sawn karlak ah mi malsawn a si . Ram mipum 1.38B a um mi lakah Catholic mipum cu tan 20 lawng an um. Tikcu siat nak ah mithi khal an tam. Tuikum kum thok lam ah dokham nak sii an dawt nan nat suan awk nak a thang. Apirl thla ihsin thok in nat hrik thawn nunnak a cem tu Catholic Siangbawi pawl le Sister apwl 500 hrawng an um zo tiin ruah a si.

Italy le Brazil ram

            Italy ram cu nat a thok ihsin nasazet in buainak a tuar tu ram pakhat a si. Italy Siangbawi 292 hrawng cu 2020 March ihsin 2021 March sung ah an thi tin ti a si. Himi a thi tu Siangbawi mipum cu ram pi sung tahnak in Siangbawi can nak a la tu Siangbawi thar pawl ih mipum thawn an bang aw zik. Ziangruangahtile cumi sung Siangbawi cannak a la tu Siangbawi thar pawl cu 299 an um.

            Brazil ram khal covid nat nasa zet in a tuar tu ram pakhat a si ve. Catholic ram asi vekin Catholic Siangbawi pawl tampi nat suan an tuar. Cazin vekin Siangbawi 14000 nat suan an tuar ih 65 an thi. Cumi lakah Bishop 3, Cardinal 1 khal an tel.

America ram

            America ram khal nat suannak a tam zetmi ram  cazin ah a tel. Asinan thaten cazin asuak hrih lo. 2020 March ihsin thok in nat suan a tuar tu mina 600000 an si. Siangbawi pawl, Sister pawl nunnak a cem tu cekci in theih a si lo nan 100 an kim lo nan nunnak a cem tu an mal lo. Siangbawi pawl, Sister pawl ih nat suan an tuar daan cu pawlkom ih an um ruangah a si. Tahthimnak in sim ding a sile Franciscan Sister pawlkom pakhat ah Sr 21 an nun nak an liam. Himi thuthang cu Aleteia thuthang ihsin kan don mi a si.

https://bit.ly/3zxy380