Covid tik cu caan American Kentucky Catholic in hnatuan ngah nak ding bawm. July 29, 2020

Covid tik cu caan American Kentucky Catholic in hnatuan ngah nak ding bawm.

July 29, 2020

Covid natnak ruangah America ram ih um mi sumdawnnak pawl sunnak tampi a thlen ruangah hnatuannak tam pi an cawl. Hnatuan tu mi tam pi cu hnatuan nei lo ah an cangih pumcawmnakah harsatnak tam pi an tong. Cui dinhmunah America Kentucky ramthen ih Catholic mi pakhat in bomnak a thok. Louisville's Epiphany Parish ih Brayton Bowen hmin a nei mi pakhat  cu “thu ruah salnak” tin hmin thawn hnatuan hawlnak website pakhat a rak din. Amah cu minung thilti theinak hrampi hnatuannak ah kum 20 rei in a rak tuan dah tu a si. Catholic thuthang pakhat ih an simnakah a tuah mi cu hnatuan hawlnak lawng si lo in hnatuan nakin dawi a tuar tu pawl hrang khalah an thin hnemnak tla a tuah thu, a mai hnatuannak cu Pathian rawngbawlnak a si ih hnatuan dilnakih thusuhnak pawl khal a zirh a si. A mai tumtahnak cu hnatuan dil tu ih thu nepnawi pawl cu a hnenah a hmai sabik a thleng ih a mai hnenin a dang hnatuannak ah a kuat sak ding a si. Hi mi ah hnatuan dil tu pawl ih thu hla nepnawi pawl cu Email, Phone le Skype ti pawl in peh tlaih ding a si. Hnatuan dil duh tu pawl cu Catholic a si lo khal le a tuah sak thu a sim a si. A mah in hnatuan nakih dawituarnak cu bei a dong terih mai si nak hmu nawn lo in a um thu, kan tumtah mi cu mitin in thil ti theina kan nei ti mi thei in hngahhlapnak um ter dingah a si thu CNA thuthangin kan ngah mi a si.

https://bit.ly/39QvQZz