Diplomatic ih kum reipi rian tuan tu German Cardinal Rauber nunnak cem.

Diplomatic ih kum reipi rian tuan tu German Cardinal Rauber nunnak cem.

          Former Apostolic Nuncio, Cardinal Karl- Josef Rauber cu zarhpi ni ah anunnak a cem. 1934 April 11 ah Germany ih Bambery ah a rak suak. 1950 ah Metten ih Benedictine Order St.Michael Gymnasium in diploma a ngah. Cuihnuah Mainz university in theology le philosophy a zir.

          1959 February 28 ah Mainz Cathedral ah Puithiam a tuan. 1962 ah Rome ah a thawn ih pontifical Gregorian University ihsin canon law in doctorate a ngah ih pontifical Ecclesiastical Academy ah a lut.1966 October 1 ah Holy See ah diplomatic service ah a rak lut ih 1977 ih German section in tuanvo an pek hlan tiang secretoriat of State ah rian a tuan. Greece, Luxembourg le Belgium pawl ah apostolic nunciature ah rian a rak tuan.

          1982 December 18 ah Uganda ih Apostolic Pro – Nuncio le Lubaltiana ah hotu tiin hril a rak si. 1983 January 6 ah episcopal consecration a rak ngah. Uganda ih mission a tuan lai ah 1990 January ah Pontifical Ecclesiastical Academy ah president tiin hril a rak si.

          2003 March 16 ah Switzerland le Liechtenstein ah apostolic nuncio tiin hril a rak si. 1997 April 25 ah Hungary le Moldova ah apostolic nuncio ah rian a tuan. 2003 February 22 ah Belgium le Luxemboury ah apostolic nuncio tiin hril a si ih 20009 June July tiang a dang ih rian a tuan ding tiang cunah rian a rak tuan.

          2015 February 14 ah Pope in Cardinal tiin a khaisang ih anunnak a cem nak hnu in Cardinal 222 an tang  ih 123 cu hril an siih 99 cu hril an si lo. Himi thuthang cu Vatican thuthang ihsin kan don mi a si.

https://bit.ly/3nsMf1j