Dominican Puithiam pakhat a kum 101 ah Philippines ah nunnak cem. (August 4, 2022)

Dominican Puithiam pakhat a kum 101 ah Philippines ah nunnak cem.

(August 4, 2022)

            Philippines ram Manila khuapi Central Seminary ih thlaraulam director tiin kum rei bik pakhat dinhmunin riantuantu Dominican Puithiam cu August 4 ah nunnak cem. Fr.Pedro Gonzalez Tejero cu kum 101 asimi Spain ram Pelencia ihsin a si. Puithiam cannak cu Illinois ah 1947 ah a rak ngah. Fr.Tejero cu amai ram asimi Spain le Philippines ah rian a phunphun a tuan.

            Philippines ah 1949-1954 tiang Colegio de San Juan de Letran ah zirh tu dinhmun in siseh, kum 1954-1957 tiang Quezon khuapi ih Santo Domingo Convent ah Puithiam upa tiin khal siseh, 1980-1989 tiang Manila khuapi ih Binondo ah The house of our Lady of th Holy Rosary ih upa tiin khal siseh a dang tampi ah rian a tuan.

            Amah cu the most holy Rosary timi Dominican pawlkom sungtel khal a si. 1979 ihsin a hnatuan ihsin a colh tiang Santo Tomas phunsangtlawng ih professor tiin khal rian a tuan. 1990 ihsin 2013 tiang amah cu Central Seminary ih thlarau lam director tiin kum rei bik tuantu a si. Himi thuthang cu RVA thuthang ihsin kan don mi a si.

https://bit.ly/3Jz5ltB