Duhdaw ringring dingah le mitin duhdawt dingah Bahrain Mass raithawinak ah Pope Francis in sim

Duhdaw ringring dingah le mitin duhdawt dingah Bahrain Mass raithawinak ah Pope Francis in sim

           Bahrain ram ih a nithumnak a Tuukhaal khualtlawnnak ah Pope Francis in Missa sumnak cu Bahrain’s National Stadium, the Kingdom’s biggest venue ah a rak tuah.

           Gulf tikulh ih a mission tuannak langtertu ah biakkhawmtu 30,000 hrawng cu Zarhte ni, Muslim Bahrain ih tuah mi Mass Sumnak ah an rak tel.

           Mipum 100 tel mi ram kim mi pawlkom in choir hlarem cu tong phunkim in an rak sak.

           Pope Francis cu sui Thinglamtah tumpi thawn a vaar zet mi stage ahcun a mai Pope mobile mawtaw thawn a ra thleng ih cui hmun ih a thleng tu mipi pawl mithmai pan ten a kut zap in cibai a buuk hai ih naute pawl hnam dingah a caan caan le a cawl phah.

           A thusim mi ah Pope in prophet Isaiah ih a rak sim mi pawl sirhsanin ‘a thawm tumnak cu cem ti um loin a thang dingih cu tawk ah cun a cem thei lo mi remdaihnak a um ding’ tiin a rak sim.

           “Tongkam sia pakhat cu a dang tongkam sia sawn mi thawn airul tikah siseh, kan bengawk ton tikah siseh, remdaihnak timi a leng thei dah lo ding” ti khal in Pope cun a sim.

           Bawipai lamzin cu mitin duhdawt ding hi a si. Pa Pathian ih fate si kan duh ih unau sinak a karh mi leilungpi dinsuak kan duh a si ahcun mi hmuahhmuah kan ral pawl tiang duhdawt thei ding kan zir a tul.

           “Kan ral pawl duhdawt ding cu hi leitlun ah Vancungram ih a tleu mi pakhat tuah dingah a si.

           Pope Francis in Bawi Jesuih thawm huham cu duhdawtnak a si ih ‘cat bang loih duhdawtnak mitin duhdawt dingah cuih thawm huham cu kan mah hnenah in pek ti’n kan mah hnenah in pek ti’n a rak sim.

           Netabik ah Pope Francis in Bahrain ram cu miphun polhcok a si nak le tuar thei nak hrangah a rak lawm. Hi ram cu a bang aw lo mi miphun polhcoknak pawl ah um tlangnak hmunram a si ih a ngaingai ahcun kan leilungpi ih hmuihmel pakhat khal a si tiah a rak sim.

           Tui tum hi Pope ih a veihnih tlawnnak a si ih Islam ih a karh mi ziaza thawn tikulh ih a thlennak a si.

           2019 lai ih the United Arab Emirates ih a khualtlawnnak ah Mass Sumnak ah mipi 170,000 hrawng a rak hruaikai ih Christian le Muslim lak ih remdaihnak hrangah lethmat a rak tthu.

           The United Arab Emirates vekin Bahrain cu tuar thei zet mi Arab ram ti a theih.

           Hi thuthang cu RVA thuthang ih kan ngah mi a si.

https://bit.ly/3ga1XLm