Egypt ram ih Coptic Christian pawl hrangah cozah thuneitu pawl in Biakinn sak on (February 09, 2022)

Egypt ram ih Coptic Christian pawl hrangah cozah thuneitu pawl in Biakinn sak on

February 09, 2022

          Egypt ram ih um Coptic Christian pawl hrangah Biakinn sak theinak cu acozah lam thuneitu pawl in donkhamtu zianghman um lo ten sak an on ih khuapi ih um zumtu pawl an lungawi zet.

          February 5 ah nisuahnak lam Bishop Patriarch Tawadros II in Cairo khuapi deng ih um El Salam khuapi ih um Biakinn thar ah mi hrangah a tha lam zawngih thansonak thuthan a rak nei. Hi mi thansonak ih tumtahnak cu Christian pawl tel in ram mipi zaten maih umnak hmun cio ah zaten Biaknak lam ih cangvaihnak ah tel ve thei dinghi a si.

          Cule hi mi cangvaihnak hi minung umnak veng pawl, cazirnak tlawng pawl, tlangleng colhnak pawl, tikong pawl le acozah inn pawl kiangah Biakinn pawl saknak cu rikhiah tuahin a hlan ih Ottoman san lai ih upadi thawn kalh aw mi a si ih Biakinn thar cu Fala Thianghlim Nu Maria hmin kengin Pathian hnen hlan mi a si ih Biakinn thluasuah an pek lai ah Coptic Patriarch in President Abdel Fateh Sisi le ralkap bawi upa pawl, Biakinn saknak ah bawmnak petu pawl zaten lungawi thu a rak sim.

          Inn saknak project cu 2019 ah an rak thok. Khuapi minung umnak veng thar pakhat ciar ah Mosque pakhat le Biakinn pakhat ciar a um ding ti mi an nemhnget mi upadi thawn a mil awk a tul.

          Biakinn thar pawl saknak thawn pehpar in Ottoman san lai ih cin le rikhiah tuah mi pawl nasa zet ih phorhsuaknak a um sal ruangah a hleice in khuate pawl ah Biakinn pawl le Puithiam inn tampi cu lungkimpinak um lo in sak mi dinhmun ah an rak cang.  Cu mi pawl ruangah Christian Biakinn pawl siatsuah duhtu ruahnak luan mi Islam pawl hrangah sirhsan ding tha zet daan pakhat ah a cangsal.

          Hi thuthang cu SW News thuthang ih kan ngah mi a si.

https://bit.ly/3GPfrTW