El Salvador ramih Siangbawi tlawng uk tu Fr cu tuah siat a tuar. August 08, 2020

El Salvador ramih Siangbawi tlawng uk tu Fr cu tuah siat a tuar.

August 08, 2020

Kan dung thlawngkai ninga niah Bishop Elias Samuel Bolanos Avelar ah video thuthang an rak tarlang. Cui thuthan cu lungawi nak lam si lo in thin nuam lo zet mi thuthang asi. Ziangah tile San Oscar Arnulfo Romero Puithiam cannak tlawngih hoha tu Fr. Richaedo Antonio Cartez cu nasa zetin thah a rak tuar. Curuangah Zacatecoluca Diocese ih Puithiam pawl, Sr pawl le kawhhran pi pawl in thinnuam lo zetin thla an cam sak tiah a sim. A tu vekin Pathian hnatuan tu Puithiam pakhat nasa zetih thah a tuar ruangah nazet in an dodal thu, minung bang lo tiangih tuah mawhnak cu an dodal thu, a tui thah a tuar tu Fr cu mitha zet a si thu, rinsan tlak a si thu le amai hnatuan  mi ah huam zet le tha tho zet ih tuan tu a si thu, kawhhran mipi hnen khalah huamnak thawn hna a rak tuan tu a si. Hi ti vekih rin lo pi a cannak cu thinphan nak thawi thih nak cu sim thiam lo ding tiang asi thu, a tha mi siangbawi pakhat hi ti vekih that a tuar sal nak ruangah El Salvador ram cu Martyr pawl ih thi theh sal nak a si thu, tui kum cu Saint Oscar Arnulfo Romeroi Brother Cosme Spessotto le America saklamih Sister 4 pawl khal Pathian thu ruangah thah an tuarnak kum 40 kim kum khal a si. Bishop in siivai thawn sibawi pawl ih an rak tuam hlawmnak parah a lung awi thu a sim. A thah tu khal zamrang ten theih a si nak dingah thlaza an cam. Thah a tuar tu Siangbawi paih ruak cu Zacatecoluca Biakinn pi an an ret. Catholic Bishop pawl kom in Siangbawi pawl thi vui ding ra cio ding khal ah sawmnak an nei. An ram ih zinglam nazi 10:00 zarhte ni zanlamah Missasumnak tuah a si dingih zarhpi ni 11:00 ah Pathian thuthangtha simnak thawn caan serh hmannak an nei ding a si. Hi mi thuthang hi Vantican news in kan ngah mi a si.

https://bit.ly/2XQ3vOc