Elvis Presley in Rosary thu hla in a sak ti na thei maw (October 16, 2022)

Elvis Presley in Rosary thu hla in a sak ti na thei maw

October 16, 2022

              King of Rock and Roll tiin tiasile a thei lo tu an mal ding. Asinan tuisan ah music a phunphun a um ruangah mai duh mi a um vivo ruangah a thei lo tu khal an um ding. “King of Rock and Roll” tiin sunloih asimicu Elvis Presley a si. Amah cu “Miracle of the Rosary” hla a sak. Himi hla aw khum tu cu Protestant pawl an si. Elvis Presley cu pop music ih thil uah thei zet tu asi.Tuini tiang hla a sak daan, a laam daan pawl cu a lar rero thotho. A thih nak cu kum 40 a si zo nan a sinfen hruk daan le a lar mi a hla pawl saksal ding tiang a lar tu a si.  

              A sak mi hla pawl lakah “Miracle of the Rosary” cumi theih tam mi hla asilo. Asinan ngaitlak zet hla asiih, a thuk zet. Amah cu Gospel kohhran mi a si. Khristian music thawn a hlat aw tuk mi a silo. Gospel album tampi khal a suah. Tahthimnak ah “He touched me, amazing grace, How Great Thou Art” cu pawl an si. A hla tamp lakin “Rosary” thawn pehpar mi hla pakhat khal a suah mi cu a danglam zet.

              Cumi thu thawn pehpar aw in Domincana Journal in a tanglam vekin an sim. Himi hla cu a hla thiam zet ih a thei zet mi an rualpi Lee Denson ih ngan mi a si thu, Lee Denson cu Pentecostal kohhran hotu Rev. James Denson ih fa pa a si thu, Presley ih innsang cu 1948 Memphis ah an thawn tikah zarhpi ni ah cui Kohhran biakinn ah an feh thu, kohhran hotu ih fapa Elvis cu a kum 13 ah guitar a zirh.

              1960 ah hlasak thiam ih rualpi in “Ave Maria” hla cu English vekin ngan a si. Asinan a suah tu in cui hla a duh tuk lo. Cutiin Gospel hla pawl sak theu tu hlasak thiam rualpi a von mang ih siangpahrang hlasak nak program ah a hmin a pek. A aw um daan cu Elvis in a duh zet. Asinan a sak ngaingai lo. Kum 10 a luan hnu ah hlasak thiam cu hla ngan thiam a rualpi a mangbang ter. Ziangruangahtile a rualpi ih ngan mi “Miracle of the Rosary” cu Elvis in 1972 ih a suah mi album ah thaten aw a khum ruangah a si.

              “Miracle of the Rosary” hla cu amah le mah “Rosary ih mangbangza” hman taktak a si. Ziangruangahtile Elvis amah ten a aw khum in Gospel hla tampi a sak nan Rosary thawn pehpar in himi pakhat lawng a sak nak, hla lu ca tum pi’n ngannak pawl ruangah a si. Hlasak tu amah rori khal cutiih tuah asinak cu mangbangza tiin a liam zo mi kum 10 ah a rak ruat. Ziangruangahtile amah cu cui hla veikhat lawng a thei ih, a hna sung ih a caam rero ruangah a si. Himi hla cu adanglam ih, a thuk khal a thuk. Ziangruangahtile Catholic mipi pawl ih duh zet mi thil pakhat cu Catholic asilomi pawl then Khristian hla ngan tu, hla sak tu pahnih ih an tuah ruangah a si. Himi thuthang cu Aleteia thuthang ihsin kan don mi a si.

Aleteia >>> https://bit.ly/3gsi9Hy

RVA Myanmar >>>https://bit.ly/3VDRUOy