England ih thah a tuartu daan lamih mifim cu Catholic zumtu asiih nauthlak nak a doral tu a si tiin sim October 15, 2021

England ih thah a tuartu daan lamih mifim cu Catholic zumtu asiih nauthlak nak a doral tu a si tiin sim

October 15, 2021

              Kan dung tlawngkai ningaah Britishih daan lam mifim pakhat cu England nisuahnak thlanglam Methodist biakinn ih a um laiah nam thawn vei tampi dawh a tuar ih a nunnak a rak cem. A hmin cu Sir David Amess a si. Amah cu kum 69 lawng a si lai. 1983 ihsin thokin parliament pawlkom parkhat khal a si. Conservative party sungtel khal a si. Amah cu Catholic zumtu pakhat asiih, nauthlak nak lam ma doraltu pakhat asivekin Catholic fimthiamnak le ramsa kilhimnak kha dinpi in a tuan tu a si. Nam thawn a do tu cu kum 25 lawng asilaimi mipa pakhat asiih, an kai.

              Himi thuthang hrangah Westminster ih Cardinal Vincent Nichols in a riahsiatnak thu a suah hnu, Amess ih a ruak umnakah feh in thla a cam sak. Amess ih thlarau hrangah le a innsang pawl Pathian ih hnemnak an ngahnak dingah thlacamsak dingah a forhfial. Amah cu tikholh nak saramentu thawn Pathian pek mi Pathian riantuannak cu mi lak khalah pelh loin sian nak thawn, tlaitluangnak thawn a lang ter tu a si. Amah cu parliamentah kum reipi hna a tuan. Ram khel lam a hnatuan pi pawl ih upatnak a ngah tu a si. Thah a tuarnak cu a tum zet mi sunnak a si.

              England Prime Minister Boris Johnson in Amess dinhmun in hmuhsuam tuar, hngilh tuar, hnon tuar pawl kilhimnak daan tuah lai ah a danglam zet mi hminsin mi pawl a um tiin a sim. Right of life tiin hmin pek mi England ram ih nauthlak nak do ral tu pawlkom in Amess cu "nauthlaknak a kham tu miraltha" tiin an sim. Sir David Amess ih a thihnak cu thuhla um loin thahnak a siih, a tum zet mi sungnak a si. Kan zaten a tang lai mi a nupi Julia le a fa 5 hrang thla cam sak a si thu Right of life pawlkom ih simreltheinak nei tu Catherine Robinson in a sim.

              Amah cu rampi aiawh tu tiin hril asinak 1983 ihsin thokin harsa pawl, hngilh le hnon a tuar tu pawl, daan ih kilhim nak a ngah lo tu pawl hrangah hnget zet in a ding tu a si. Cutivekin a suak hrih lo mi naute pawl ih covo le nundam nak siseh, nauvon mi nunau pawl ih harsat nak siseh thinlung tak ten a humhim sak. Amah thawn hna a tuan tlang dah tu pawl in a mi zangfah thiamnak, ngaihsak nak, lungawi thiam nak, kilhimnak a um lo mi pawl tha zetin a dinpi tu tiin an thei.

              Thuhla a phunphun ruangah a tu ih a nung duh nawn lo tu pawl thi dingih tuahnak cu rampi dinhmun in a on lomi daan hrangah me thawn thu an botcat nak ah amah cu do ralnak me a pe. Cardinal Nichols khal in Amess cu 2010, September ah Pope Benedict 16 in England parliament ah thuanthu ih um tlak dingin khual tlawn thei dingah a zuam zet tu a si thu, 2006 khal ah zumnak a bang lo mi pawl thawn din mi parliament sungih pawlkom le Vatican pehtlaih awk nak tha ter dingah a tuan thu, amah  British parliament pawlkom le Vatican ih secretary asimi Cardinal Paroln, Catholic hotu pawl thawn khal pehtlaih awk nak tha dingin a zuam thu, himi a zuam nak pawl cu upat a tlak zet ih, a tuvek ih thil a can ruangah a tum zet mi sung nak a si thu Cardinal in a sim.

              England le Wales Catholic Bishop pawl kuttangih fimthiam nak commission khalin "Sir David Amess ih  a thih nak cu thinnat za a si. Amah cu a lar zet ih, Catholic zumtu diktak pakhat a si. Catholic fimthiam nak khal ziam lo in tha pe tu a si. A thlarau cu kumkhua in naum hram seh Amen" tiin a twitter ah a ngan.

              British ih a bun aw mi Hong Kong thu thawn pehpar aw in minung covo zoh fel tu pawlkom a din tu khal asiih thuhla rel nakih a tel tu khal asimi Benedict Rogers khal in "amah le Amess tei cu ram tin minung covo hrangah kum reipi hna an tuan tlang dah thu, amah cu mi tha zet, mi zangfah thiam, mi lungawi thiam asithu, parliament hrangah ding ringring ding khalah a forhfial thu, amah cu mithmai pan ringring tu a si thu, hnihsuah a sai thiam tu, thinlung tha nei tu a si thu, amah cu milar zet a siih, a thih nak cu ui um za a si thu twitter ah a ngan.

              Amess cu 2016 England Europe President pawlkom ihsin suah nak, pehbet in pawlkom sungtel sinak thawn pehpar aw in khal suahnak cu fiang fai zet in a pom. Amah hlan atuvek ih thah a tuar tu British parliament ram palai cu 2016 kum thu rel khawmnak inn pi ih lenglam ah a hnatuan pi pawl thawn an um lai ah meithal thawn kap thah a rak tuar. Himi thuthang cu CNA thuthang ihsin kan don mi a si.

Photo courtesy of Sky News

https://bit.ly/3j90eV6