FABC in Bangkok Document thlah.

FABC in Bangkok Document thlah.

March 15 ni online ih tarlangnak caanserh ah Bombay ih Cardinal Oswald Gracias in FABC kum 50 kim conference  ih netabik suah mi capi (Bangkok document) an tarlang.

          Asia Bishop pawl conference FABC in an mai a hmaisabik conference motto a si mi Asia ram pawl ih khualtlawn tlangnak ni ti mi thu luu thawn Oct 12-30, 2022 tiang , Bangkok ih Baan Phu Waan Pastoral training center ah kum 50 kim hngilh lonak an tuah. Cumi tuahnak cu  FABC conference ah convenor Cardinal Oswald Gracias cu conference ih Secretary Bishop Allwyn D’silva thawn ca than an rak suah thei.

          Cardinal Gracias in cu mi cu thlacamnak, thudik thu hman thlei dangih hmuh thiamnak le thlarau lam thurel nak ih a rah suak a si mi thlarau lam hmin sinnak pakhat a rak langter. Hi mi cu khualtlawnnak ih a thoknak a si tiah Cardinal in a rak sim ih Asia ih Pawlpi hruaitu pawl le mission hnatuannak hrang huap thei tu Cathan pakhat a si ding tiah a ruahsannak a langter.

 FABC President Cardinal Charles Bo le a dang a thlengtu pawl cibai a bukih a netabik suak mi Cathan cu Asia Pawlpi pawl hnen thazaang thawn a nungter saltu ruahsan nak a nei mi Cathan a si thu a langter.

        Cardinal Charles Bo in Bangkokih tuah mi FABC cu Asia ih Christian biakinn pawl hrangah thuanthu ih tel ding mi pakhat a sit hu le a tawk fang in a um ding thu khal a sim. Catlang finkhawm tu ih a thupi bik in reltlangnak thu thawn Bishop Pablo David in a can daan thu le pawlkom din daan thu pawl a rak sim fiangih Bangkok Cathan hmin a nei mi a netabik Cathan ih thupit zia lamhmuh in a rak sim.

       Conference ih tumtah mi ah Matthew Cathianghlim ih mifim pathum pawl ih khual tlawn nak a si ih cui Cathan cu khualtlawnnak, humhalhnak, theih thiamnak, laksawng pawl pekawk nak le ti daan thar thawn fehnak ti mi thu panga (5) thawn din mi a si. Mifim pathum ih thuanthu cu catlang zaten a thu ih zir in rualremnak a keng mi Biblical – theological thawn a si thu khal a sim.

        Kan mah pawl cu Arsi zoh in lamhmuh mi pawl thleidang thiam dingah, Pathian ih fapa Jesuh Khrih hnenah kan laksawng pawl cu pe in le a tui kan san dinhmun ah kan mission hrangah hmun khat ten khual tlawng tlang ding ti mi ruahnak an rak neih mi a si.

       Cahmai 40 a tel mi capi cu then nga in then a si. Khual tlawntlangnak, Asia ih a cang mi thudik pawl zohnak, Asia Pawlpi hnen thlarau thianghlim ih zirh mi pawl kha theih thiamnak , Asia nunphung le thlarau lam thawn pehpar mi kan laksawn pawl zemnak, ti daan thar pawl onnak pawl thlei dang thiam a tul zia hmuh a si. FABC ih Sacretary  a si mi Tokyo khua pi ih Fr Kikuchi in a tel tu zate pawl hnen lungawi thu a rak sim.

        Catholic Church ih media pakhat a si mi Radio veritas Asia (RVA) cu Khrih thuthangtha than dingih tumtah mi a si. RVA cu Asia ram pawl ah an mai ttong ciar in tuan in, Continent Catholic aw thlahnak din hmun in 1969 kum ah rak thawh a si ih the voice of Asian Christianity ti mi a rak ngah. A tu cang rero mi dinhmun pawl lehrulhnak ah RVA in ttong phun 21 ah website pawl le social media a phunphun ih sim leitlun huam Asia mipi pawl thawn pehtlaih thei dingah media platform in a rak cohlang a si.

https://bit.ly/42eRtNX