FABC kum 50 final document cu March thla ni 15 ni ah online ah tarlang ding.

FABC kum 50 final document cu March thla ni 15 ni ah online ah tarlang ding. The Federation of Asian Bishop conference (FABC) General conference document (ca tlang) cu Asia mi pawl hrangah khual tlawn tlangnak thawn pehpar mi ca pawl cu March 15 niah India tikcucaan nazi 16:00, Bangkok tik cu caan nazi 17: 30 le Manila tik cu caan 18: 30 ah pholang a si ding. Asian Bishop conference (FABC) cu an dinnak kum 50 hngilh lonak ah Bangkok, Baan Phu Woan pastoral training center ah 2022, Oct 12-30 tiang conference rak tuah a si. Cui Conference ih neta bik ca suah mi cu March thla ah tarlang a si ding. Cahmai 40 a tel mi capi ah then nga in then a si. Khualtlawn tlangnak, Asia ih a cang mi thil pawl zoh tlangnak, Asia Pawlpi ah thlarau thianghlim ih a sim mi thei thei dingah, Asian nunphung le thlarau lam thawn pehpar mi laksawn pawl ap tlangnak le tidaan thar pawl on sak nak tla an si. Thenkhatnak (Part one) Khualtlawntlangnak cu lungrualnak ih dil mi leh rulnak a si. Cu mi cu Synodal Pawlpi ih umlo theilo mi a tul zet mi pathum cu pumkhat sinak, tuantlangnak le mission pawl rel tlangnak a si. Thenhnihnak (part two) Asia ih a cang rero mi thilcang pawl zoh tikah Asia ih Pawlpi thawn pehpar mi sawmnak pawl cu a nepnawi in tarlang asi. Hi mi ah a thupi mi thilcang pakua kha thupit hleice a si. Mivai pawl, miharsa pawl le tlang par mi pawl an mai suahnak hmunah inn le lo neilo in an um. Innsang pawl cu minung pawlkom ih a thupi zet mi hrampi a si. Pawlpi le minung pawlkom pawl pehpar awknak karlak ih buainak pawl zamrang zet in a thlengaw mi Asia pawlkom pawl ah nunau pawl thu le mino pawl cu leilung pi thar dinnak phun thawn an tongaw rero a si. Digital fimthiamnak ih a cang mi khuapi le Globalization hmuhtonnak ah a bangran mi sumdawnnak khaisannak, kan umnak Leilungpi siatsuah thei mi nikhua harsatnak pawl, Asia sungah bangranten umnak le remdaihnak a keng mi biaknak tinkim thu reltlangnak tla an si. Thenthumnak (part three) Asia Pawlpi ah thlarau thianghlim in a sim mi thu theithiam dingah, mivai pawl, harsa pawl, tlangpar mi pawl thawn um tlangnak; innsang pawl ngaihsak dingah, nunau mipa thu buai thaten thensak dingah, Asia Pawlpi ah nunau pawl hrang a tha mi mihoha theinak tidaan thar pawl on sak dingah, mino pawl thaten zoh dingah, Digital fimthiamnak pawl man nei zet in hmang thiamnak tha pe dingah, san a man mi thlengawk nak le globalization ah a tel thei mi thansonak hrambun in sumdawnnak khaisang dingah, kan inn a si mi Leilungpi hrang ngaihsaknak, Lilawn saktu le Lilawn pawl, Asia ah tongaw in thu rel tlangnak le remsalnak thawn pehpar mi hmanrua pawl, Puithiam pawl ih thuzirnak ah Asia nunphung thawn kaih aw dingah, Then linak (part 4) Kan ngah mi laksawng pawl mi zemnak, Asia nungphung le thlarau lam thawn pehpar mi sim dingah a si. Then nganak (part 5) Tidaan thar pawl on sak nak cu thlengawk nak hrangah lam hmuh tu a si. Uknak in somdawlnak a si mi thuthangtha tiang, Basic Christian community (BCCs) in Basic Ecclesial community (BECs) tiang, Dialogue in Synodality tiang, thuthannak in thuanthu rel tlangnak tiang, lamzin in Pastoral tiang. FABC 50 document caul pholang nak caanserh cu March 15 ni Manila tikcu caan 18:30, Bangkok tikcucaan 17:30, India tikcucaan 16:00 ah tuah a si ding. Hi mi thuthang cu RVA thuthangih kan don mi a si. https://bit.ly/3ledbB0