France ih Loudes Bawinu lungdawl Biakinn pawl a kang (July 13, 2022)

France ih Loudes Bawinu lungdawl Biakinn pawl a kang

(July 13, 2022)

              Loudes Bawinu lungdawl kiangkap ah biakinn te 8 a um. Cumi pawl lakah 4 cu July 9 zan ah a kang. Asinan khawmzawh pawl cu a dang biakinn 4 ah an thlacamnak tumtahnak hrang phayawngtya pawl thawn an hlan lai tiin an sim. Cui biakinn te 4 cu khawmzawh pawl ih an hlan mi phayawngtya meisa thawn hlan dingah tumtah in an sak mi a si. Mei mitt u pawl in an mit thei nan biakinn 3 cu meisa ruangah a siat thluh. Atuvekin a kang mi biakinn pawl tuah that theh ding tiang phayawngtya tunnak pawl cu hram par lawngah an tuah sak ding.

              Loudes Bawinu lungdawl ih tuanvo nei tu Bishop Olivier Ribadeau-Dumas in “Bawinu lungdawl hrang a nasa zet mi siatnak” tiin a twitter ah a ngan. Atuvekih a kang nak cu a tum zet mi sungnak a si. Ziangruangahtile saksal in a tul mi thilripawl silhkhah sal dingah Euro 15 hrawng a cem ding tiin an sim.

              Khawmzawh nak hmun bik cu covid ruangah an khar ih a tu lawngah fehvah asiih khawmzawh nak hmun bik zoh rero a si. Thil tha lo lak in thiltha tiin ti asinak cu a kang nan zohman tuahmawh awk nak a um lo. Himi bawinu hnen khawmzawhnak hmun cu France ram ih Notre Dame Cathedral ih tuanvo neitu (Kawlram ih Parish uktu tiin hman asi) nitlaknak lam ah cun “Rector” (tuanvo neitu) Cathedral kilkhawitu Diocese Bishop asi. Fr.Michel Daubanes in a ralai dingmi Sep 1 ihsin thokin tuanvo a la ding. A kang nak baik cu an zingzoi reronan rinlopi a cang mi a si tiin an zum thu a tu tuanvo neitu Bishop in a sim. Himi thuthang cu Aleteia thuthang ihsin kan don mi a si.

https://bit.ly/3obooQK