France ram ah tui kum Pasca puai ah Baptism a lak tu ding upa (4278) an um.( April 13, 2022 )

France ram ah tui kum Pasca puai ah Baptism a lak tu ding upa (4278) an um.

April 13, 2022

         France ram ah a hlan ah Catholic Puithiam pawl ih nunau mipa thatlonak tuahnak thuhla besia zet in a rak um ko nan France ram ih Catholic Pawlpi hrangah cun zumnak khuatleunak pawl a van sak. Ziangah tile tui Zarh ih tuah ding mi Pasca zaan ah Baptism a lak tu ding mipum cu France ram ih Catholic Bishop pawl ih thuthan vek a sile (4278) a um tiah an tarlang ih siar theih mi pum an si.

         2021 ah Baptism laktu upa (3639) an rak um ih mipum (100) cu ramleng ih hnatuantu pawl an si. Zateek ih sim a si le kumdang hnak in zateek 17 a mal tiah ti a theih. Cazin vek a si le tui kum Baptism a lak tu ding pawl sungin (2018-2019) thawn tahthim ahcun upa an tam sawn.

         Baptism a lak tu ding pawl sungin zateek 28 cu kum (18-25) lak an si. Baptism lak tu ding mino cazin cu kumdang thawn tahthim le kumdang hnak in zateek a rak thang. Zoh kom tlang a si le Baptism a la tu ding pawl ih kum cu kum (40) hnuai pawl an si. Kum 65 luan Baptism la tu ding mipa, nunau pawl ih mipum cu a bang aw hrawng. Tui Baptism a la tu ding pawl sungin thenthum thenkhat cu France ram ih khuapi Paris huap mi sak lam ih um Diocese (8) in an si.

         Hi dinhmun zoh in Tours khuapi ih Pathian thu le kohhran mipi thar pawl cohlannak thawn pehpar mi commission ih hotu Archbishop Vincent Jordy in ‘Pathian in minung pawl ih thinlung a kawh rero thu, veikhat veihnih ah innsang sungah tla a danglam mi lamzin pawl thawn pahsuaknak thawn khal Pathian in minung pawl a kawh thu a rak sim.

         Innsang sungah mi pakhat in Catholic mipi sinak thawn a mai a tha mi zohthim tlak cu a tang lai mi innsang sungtel khal kohhran mipi an cang thei. Hi thilcang vek cu tui san hrangah a danglam lo. Ziangah tile Baptism la dingah a dil tu mino, nauhak pawl ruangah Biaknak lam ah an rak hngetkhoh. Innsang lam pawl lak ah khal pakhat khat cu Baptism la dingah hmin cazin pek tikah a dang pakhat khal a mah ten a tel. Pulhnat ruangah khal Baptism a lak tu ding mipum an tam thei thu a ruat.

         France ramhuap ah Biaknak lam zung (15) in an then. Diocese (90) a um ih nisuahnak lam Catholic tidaan a hmang mi Diocese 3 an um tiah an sim.

         Hi thuthang cu SW News ih kan ngah mi a si.

Photo courtesy : SW News

https://bit.ly/37ji6tB