France ram Nantes ih hlanlai thilri Cathedral innpi a kang. July 18, 2020

France ram Nantes ih hlanlai thilri Cathedral innpi a kang.

July 18, 2020

            2020, July18 zinglam nazi pasarih (7) ah France ram Nantes khuapi ih St. Peter & St. Paul Biakinn  pi a kang. 2019 ih a kang mi Notre Dame Cathedral a kang theh hnuah a tu a veihnih nak Cathedral Biakinnpi a kang ti-in France khuapi uk tu Emmanuel Macron in Twitter thuthang ah a ngan. Hlanlai rothil Gothic Biakinn pi cu meisa kang nak in run dingah a zuam rero tu meisa mittu pawl khal a upat thu ram uktu in a sim.

            Hi mi Biakinn pi cu kum zabi 15 laiah a lar zet mi kutthiam thawn cawimawi  mi khuapi laifan nakah a um ih mi khual pawl ih an duh zet mi hmun khal a si. Meisa mit tu pawlih an sim nak ah Biakinn luanglu cu meisa in a kang man lo in an khel ih meisa an mit thei thu, khualtlawng tu pawl le France mipi pawl in thinphang zetin meisa kang nak an zoh rero thu, Nantes khuapi uktu Johanna in France ih hlan lai rothil pakhat a si thu a sim. Meisa kang nak ruangah Biakinn sung ih mawi zetih an suai mi thlalang suangih ret mi Pathian zuk pawl khal a zaten meisa khu in a zel ih a dum theh thu, a kang nak san thu hla cu thu nei tu pawl in an zingzoi rero tiin Vatican thuthang ihsin kan thei a si.

https://bit.ly/39ii4yM