Germany ram ah Jesuh Khrist harsat a tuar nak lemcan nak hrangah lethmat zuar October 2, 2020

Germany ram ah Jesuh Khrist harsat a tuar nak lemcan nak hrangah lethmat zuar

October 2, 2020

            Jamani ram thlanglam ah 2020 ih tuah dingmi Bawi Jesuh ih lemcang nak cu 2022 ah an thawn ih, lethmat pawl cu lei a ngah zo thu thuthang ngah a si. Pulh nat um caan sungah khuapi a kilhim tu Pathian hnen lungawi thusim nak hminsin nak tiin kum 10 veikhat tuah mi lemcan nak puai cu tui kum ahcun covid ruangah an thawn. Lemcan nak director pawl in 2020 hrangih lethmat lei tu pawl cu an phiat sal. 2022 hrang khalah lei cia a theih thu an sim.

            Cuihmun cu Oberammergau khuapi asiih, Jamani thlanglam ih Myo te pakhat a si. A tui caan ahcun leihmat ting 5 hrawng an zuar zo a si. Cui lethmat ah hmun hla ihsin khawmzawh pawl hrangah colh thei nak le rawl ei thei nak khal a tel. 2022, May 14 ihsin October 2 tiang lemcan nak an nei ding. Director Christian Stuckl in covid le hmailam caan theih cia asilonan tuah daan kel vekin tuah a theih ding tiin zum a si. 1633 kum pulhnat theh ah an thok mi kum 10 veikhat lemcan nak cu 2022 ah a vei 42 nak ah a thleng. Lem can nak ah khan 103 a tel ih stage cu 1928 kum ah an sak. Lemcan nak ih minung 2400 hrawng cu cui khuapi ih a thanglian tu pawl an si. Himi thuthang cu Aleteia thuthang ihsin kan ngah mi a si.

Carlo Acutis cu santhar mino pawl hrangah Bawi Jesuh langsar ter tu asi thu Pope in a sim.

October 11, 2020

            October 10 zarhte sun ih tuah mi Carlo Acutis ih Mithianghlim ih khai sang nak theh ah Pope Francis cu Italy miphun thianhlim nak ih zohthim tlak Carlo kha zohthim dingah mino pawl cu Aid to the Church in need (ACN) ih hoha mi rosary thlacam ank ah tel dingah a forhfial. Carlo Acutis timi Italy mino cu Mithianghlim ih khaisan nak cu zarhte sunah Assisi ah tuah asiih Missa raithawi nak cu Cardinal Agostino Villini in hoha in tuah a si.

            Pathian cu a hmaisabikah retin kan unau pawl hrang rian tuan lawngah a hman mi lungawi nak a si timi cu Carlo Acutis in alang ter thu mino pawl hnen Pope Francis in a sim. Pope ih a nemhnget mi Foundation asimi ACN ih cangvaih nak asimi remdaih nak hrangah nauhak tan 1 thawn hmunkhat ih rosarh cam nak khal hngakhlap phah in a tu vekih pulhnat caan ah harsat tuar tu pawl hrangah ahleice ih thlacam sak ding mi leitlun killi ih nauhak pawl tel ding mi a mawi zet mi canserh ah tel dingah Pope in a forhfial. Himi thuthang cu Vatican thuthang ihsin kan ngah mi a si.

https://www.youtube.com/watch?v=GKRSmvv2tb0