GOP vice presidential JD Vance in ziangruangah Catholic ah a lut.

GOP vice presidential JD Vance in ziangruangah Catholic ah a lut.

             Kum 39 a si zo mi Ohio Sen tlunlam hluatdaw a hmat James David "J.D" 2024 hrilawknak ah Donald Trump ih a thar ih than mi hrilnak ngahtu Vance cu America ram ih a pahnihnak Catholic president si dingah zum a um tiah sim. Vance cu America tlunlam Hluatdaw ah a pahnihnak kum no bik a si. 2023 ah tuanvo rak la tu a si. Amah cu Cincinnati ih, Dominican ih hleice zet ih tuah mi caanserh pakhat a si mi St. Gertrude ah a kum 35 kum ah Catholic Kawhhran ah Baptism a rak ngah.

            Kum 2020 ih casuah mi Mamaw and Becoming Catholic, ngan mi thuhla ih tuah mi The Lamp thuluu in Vance cu kum tawkfang nawn nuamte ten ka thinlung a thleng vivo tiah a thleng awk daan thu a rak sim. Afarah mi Appalachian inn ih a rak thanglian hnuah Marines ralkap ah kum 4 rei a tuan ih Yale in Law thawn Buaih a rak ngah, cu miah Vance in a mah le amah pathian neilo pakhat din hmun ah ka rak ruat aw tin a rak sim. Amai tangdor zetih a rak thanliannak le sumdawnnak le nunphung pawl in pakhat hnu pakhat a kai vivonak ih hnaihnoknak pawl ruangah Vance cu a nunramah a maidin hmunah a rak nuam lo thu a sim ih Christian zumnak le Catholic biaknak cohlan duhnak thinlung a rung um tiah a rak sim.

            Ka mangbang mi cu hi leitlun ih hlawhtlinnakih hminsin mi zate in kei mah cu mitha si dingah in can ter maw ti cu ka thei lo nan hlawhtlinnak hrangah nuncan ziaza tha thawn ka um hnuah netabikah cun ka duh mi ka rak tong tiah a rak ngan. Ka Luu sungah tha deuh dingin dilnak aw pakhat a um tiah a rak sim. Kanmai a tha lo mi ziaza pawl kha nunphung thawn pakhat cio ih pawlkom din daan le nuncan ziaza pawl kha olten theithiamnak leitlun hmuh nak hrangah ka bei a dong. Kanmah pawl cu kan kiangkap ih suahmi kan si thu , cumi namhnget mi a cui kiangkap thleng dingah kan mah in tuanvo kan nei. Cuihnuah Pathian ih zaangfahnak ka tul.

             Lamdang zawngih kan tile Catholic biaknak si dingah ka tul ti bak lo cu ruah dingdang ka nei lo tiah a rak sim. 2022 November ah EWTN News Nightly thawn interview pakhat ah Vance cu Catholic zumnak thuanthu le famkimnak in a mai ramkhel hnatuannak ah lamhmuhtu thazang pawl an si thu a langter ih Catholic tuah daan ih a a thupi zet mi pakhat cu nan mah pahnihah mihrangah public policy pakhat a um.Cumi cu nunnak humhimnak le America ih hnatuantu pawl upatnak pawl an si tiah a rak sim.

 Hi mi thuthang cu Catholic news agency thuthang in a tawizawng in kan ngan mi a si.