Gospel karhzai ternak cu mah rori in phuang loin online lawngih thlah nak in aiawh a ngah lo (October 22, 2021)

Gospel karhzai ternak cu mah rori in phuang loin online lawngih thlah nak in aiawh a ngah lo

(October 22, 2021)

              "Nunram ih a thupi mi thenkhat thu pawl cu fimthiamnak lawngin aiawh a ngah lo. Kanmah pawl cu taksa nei mi nunnak nei mi kan si. Tongaw ih pehtlaih nak a tul" tiin October 21 ah Vatican Gospel thuthangtha karhzai ternak zung ih tuanvo nei tu Cardinal Luis Antonio Tagle in online live ih thah mi thusim nak ah bet in a sim. Fimthiamnak thansonak ruangah kan lungawi. Asinan a dang ruahnak pawl khal thanso dingin tuah ding. Fimthiamnak thawn pehpar mi thu pawl rinsan in theih asinan mino pawl cu mi pehtlaih daan le thinlung phur ter nak pawl khal thangso dingin tuah dingah a tul timi hmuh a si thu, Kohhran sung khalah kan thinlung ruahnak pawl thangso dingah tuah ding in sawm nak a um.

              Online cu hman a tlak tuk nan a tlamtling lo nak pawl khal a um. Tahthimnak ah "Facebook" thawn a bang aw mi a dang pakhat asimi "Twitter" kha sim ding asile ziang tluk in hman a tlak, mi tampi in an hmang ti hman sehla a luh thei lo nak rikhiah a um. Ziang tin tuah asi, ziang tlukin thluak a ei, a hnawk timi cu theih sak a silo. Asinan taksa then asimi thinlung, ruahnak le theih nak pawl a zum lomi din hmun ah zumank pawl suah sal dingah a tul.

              Cardinal cu "leitlun Pathian rian tuannak ni" thawn pehpar aw in thuthang sim fiangnakah a sim nak a si. Leitlun Pathian riantuan nak ni cu Catholic Kohhran tinkim ah a ralai ding mi October 24 ah tuah ding a si. Kanmah pawl cu kan nunram ah tetti khan mi pawl kan tul. An nunram in an mi pehtlaih daan, an mi zangfah thiamnak pawl ruangah a tlamtling mi Gospel thu an sim ah a cang.

              Harsat tuar pawl ih um nakih feh tikah ton mi thilcang pawl cu a tuvekin langter sal a si. An um nak ih thlen veten tuanvo nei tu in a hnen ah feh in ziangruangah Khristian pawl in mi harsa pawl an bawm ti a si. Khristian pawl ih tangdornak, duhdawt nak, zangfah nak pawl khal theih a si. A Thianghlim mi Thiang Thlarau Pathian khar mi sangka ong dingah amah hman a si tiin a ruah ruangah "kan Pathian Jesuh Khrist cu mi tinkim duh dingah in zirh thu a sim ih mangbangza a sannak cu nan Pathian Jesuh Khrist nel ve ka duh ti a si.

              Covid nat ruangah Biakinn ih khawmnak pawl kham a si sungah Bible zingzoi nak kha online ihsin tuah dingah dil nak pawl a tam tiin a sim. Inn tinkim ah feh dingin kham mi veng, khuapi, khua pawl ah cui dil nak cu internet ih bom nak thawn tuah a si ruangah lungawi thu a sim. "Leitlun Pathian riantuannak ni" cu Pope Pio XI in 1926 kum ihsin thok in a rak tuah. Kum tin October thla ih zarh thum nak ah tuah a si. Tuikum ih thuluu cu "kanmah rori in kan hmuh mi le kan theih mi cu sim loin kan um thei lo" ti asi. (Dungthluntu 4: 20)

              Pope Francis khal in (2021, January 29) niih rak suah mi tuikum ih leitlun Pathian riantuan nak ni ca a ngan mi ah Catholic mipi pawl hnen covid nat kha phuah hlam hawl in, biaknak lam tuah ding mi pawl tuah a theih lo tiin ti lo ding ah ralrin nak a pek thu, Cardinal in pehbet in "Bawi Jesuh thuk zet ih theih nak cu Pathian rian taun duh nak thinlung neih a si thu, program pawl, cangvaih nak menmen cu mission hnatuan nak a si lo thu, anmah pawl cu kan hnen siseh, mi zonzi pawl hnen siseh, mangbangza thil tuah in lungawi nak ngah a siih lungawi thu sim nak lawng a si tiin a sim. Himi thuthang cu CNA thuthang ihsin kan don mi a si.  

Photo courtesy of the tablet 

https://bit.ly/3C5vz2p