Greece ram cu Pope ih a tlawn ruangah hminthatnak an ngah thu Vatican ih Greek Ambassador in sim (November 30, 2021)

Greece ram cu Pope ih a tlawn ruangah hminthatnak an ngah thu Vatican ih Greek Ambassador in sim

(November 30, 2021)

         Pope Francis cu December 4-6 tiang Greece ram ih khuapi Athens ah nihnih sung a tlawng ding. Pope ih tlawnnak cu ram hrangah khal hminneihnak, caantha le thazaang ngahnak a si vekin ram hnih karlak pehtlaihawknak a hngetkhoh ter ding thu, ram mipi pawl an lungawi thu, an sunloih thu, tui tum veikhat Pope Francis ih khualtlawnnak cu Roman Catholic Pawlpi ih luubik ih veihnihnak a tlawnnak a si.

         Pope St. John Paul II khal 2001 ah a rak feh dah zo. Hi vekin sunsak zet ih an feh nak cu Pope pawl dinhmun in an mai Kohhran mipi mipum mal nak (Catholic mipi pawl ram mipum ih zateek 1 hman kim lo) ram ah an fehnak cu an mah cu hngilh mi an si lo. A thupi zet mi an si thu langternak ah a si.

         Tui tum cu Vatican le Greece ram pawl ih Ambassador pehtlaihawknak kum 40 kim kum khal a si. Greece ram ih Khristian pawl khal in Pope ih thlennak an hmuah thu, asinan, ram ih mipum tam bik cu Greek Orthodox an si. Ram sungah Catholic Khristian pawl an um vekin, Poland, Romania, Philippines, nisuahnak a lai hrawng ih um mi Syria le Iraq pawl ah tla an um thu, tui a Tuukhaal khualtlawnnak ah nunphung le ramkhel thuhla hrangah khal a thupi zet mi khualtlawnnak pakhat a si.

         2016 ah Pope Francis Greece ram ih a rak tlawn lai ah Greece le Turkey ramhnih a buai laifang a si. Tui kum cu Greece pawl ih Ottoman Siangpahrang an rak dodalnak kum 200 kim khal a si thu, Greece ram ih Vatican Ambassador Panos Kalogeropoulos in a rak sim.

         Hi thuthang cu Rome Reports thuthang ih kan ngah mi a si.

https://bit.ly/3lpqP0Z