Gumaca Diocese ih Bishop Victor Dela Cruz Ocam cu Philippines ah a kum 71 ah heart attack  thawn March 16 Zanlam 5:58 pm ah nunnak cem.

Gumaca Diocese ih Bishop Victor Dela Cruz Ocam cu Philippines ah a kum 71 ah heart attack  thawn March 16 Zanlam 5:58 pm ah nunnak cem.

           Diocese ih chancellor, Father Tony Ryan del Moro in Bishop cu Philippines, Quezon provice, Gumaca Siizungpi ah a nunnak a cem tiah a rak sim. Bishop Ocampo cu 1952, March 6 ah Angeles Khuapi, Pampanga ah a rak suak ih 1977 kumah Balanga Diocese ah Puithiam sinak a rak ngah.

          Pope Francis in 2015 June 12 ah Gumaca diocese ih bishop tin a rak khaisang ih cui tawk diocese ah a pathumnak bishop ngah tu khal asi. 2015, August 29 niah Bishop cannak ordination a ngah ih 2015, Sep 3 ah tuanvo a rak lak thok.

          Puithiam din hmunin catechetical office ah director a rak tuan, liturgical commission, Biblical apostolate, family commission le diocese ih chancellor le consultor khal a rak tuan. Kum 2009 Nov in 2010 July tiang Balanga oh diocese ih admistrator dinhmun in rian a rak tuan.

         Bishop ih motto cu St. Luke Gospel 22:19 sungih “Corpus Meum” (Hi mi cu ka pumpi a si) ti a si. Hi mi a lak nak cu Khrih ih pumpi sungah pumkhat kan sinak thawngin Khrih ih thuthangtha phuang ding kan si tiah a rak sim. CBCP thuthang in hi tin a tarlang. Hi thuthang cu RVA thuthangin kan don mi a si.

https://bit.ly/3LypnY2