Haiti ih Puithiam kaih a tuar ih, a kai tu pawl in amah suah nak ding hrang paisa dil

Haiti ih Puithiam kaih a tuar ih, a kai tu pawl in amah suah nak ding hrang paisa dil

          February 7 ah the Claretian Missionarises' independent Delogation for the Antilles in Puithiam pakhat kaih a tuar tiin an than. Fr.Antoine Macaire Christian Noah cu an ram ih saklam khualipi Port au Prince ihsin peng 20 hrawng a hlat nak Kazal ah mission hnatuan ding ih a feh nak ah kaih a tuar.

          Claretions in facebook ih an tar mi vekin, amah kai tu pawl in "Puithiam an thlah nak ding hrangah paisa pe dingin Puithiam ih missionary community ih superior hnenah pehtlaihnak an nei." Macaire cu Cameroon ih ummi asiih Kazal ih St.Michael the Anchangel Parish ah kumkhat lai parochial vicar a tuan.

          Cmillian puithiam Fr.Antonio Menegon in 2022 December lai ah Vatican thuthang ih a rak sim mi cu tuilai ah anmah ah mi sual ral pawl  ih donak le Catholic tlawng pawl le siizung pawl khal do an tuar thu a rak sim. Ton dah lomi tuahmawh nak cu Haiti ah a karh rero tiin Menegan thuthang in an than.

          Puithiam in himi dinhmun ih theih ter nak a neih mi cu "him lonak, tihnak, natnak le beidong nak pawl cumi hman a tawk hrih lo asile cholena nat nak a thleng dingih a hleice in nauhak pawl annunnak an liam" tiin a sim. Menegon in "tuahmawh tu misual pawl cu an ram ah an tam vivo ih hmun tinkim an thleng. Thilri man pawl, rawl, datsi, dezil le siivai pawl man khal a let thum lai in a thang" tiin an sim fiang.

          "Tuahmawh nak in mino pawl siatsuahnak, thil fir, thil pawl ur nak, dawr pawl, biakinn pawl, mibawmnak bank pawl le a dang mi bawm nak hmun pawl khal an ur kang. Siizung pawl khal datsi, dezil, electric, ral le siivai a um nawn lo hnu in an khar" tiin riahsia zet in a sim.

          President Javenel Moise asinak ihsin a tlak 2021 July ihsin Haiti ah President an nei nawn lo. A thar hril nak khal an tuah thei hrih lo. Tuahmawh nak pawl khal a tam deuhdeuh. 2021 August ih linghnin nak in Haiti mi pawl dinhmun a besia ter deuhdeuh.

          World Bank ih an sim nak vekin Haiti cu "Latin Amercan ah mi farah bik ram a siih Caribbean hmun cu leilung pumpi ah a farah bik ram pawl sungin pakaht a si ve." Himi thuthang cu Catholic News Agency ihsin kan don mi a si.

https://bit.ly/3YBPkcx